ولارعا 90،2 ملن تەڭگە تولەندى.
مەملەكەتتىك ەڭبەك ينسپەكتورلارى ۇستىمىزدەگى جىلدىڭ ەكى ايىندا 500-دەن استام ادامنىڭ قۇقىعىن قورعاپ بەرگەنىن جەتكىزدى، دەپ حابارلايدى Almaty-akshamy.kz.
«اعىمداعى جىلعى 1 اقپانداعى جاعداي بويىنشا، مەملەكەتتىك ەڭبەك ينسپەكتورلارى رەسپۋبليكانىڭ 44 كاسىپورنىندا 890 جۇمىسكەردىڭ الدىندا 159،1 ملن تەڭگەدەن استام سوماعا جالاقى بويىنشا بەرەشەكتى انىقتادى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
ناتيجەسىندە وسى كاسىپورىنداردىڭ باسشىلارىنا ورىندالۋى مىندەتتى 12 نۇسقاما بەرىلىپ، 2 ملن تەڭگەدەن استام سوماعا ايىپپۇل سالىنعان.
قابىلدانعان شارالاردىڭ ارقاسىندا جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 516 جۇمىسكەردىڭ قۇقىقتارى قورعالعان. ولارعا 90،2 ملن تەڭگە تولەندى