گۋتەرريش قورشاۋدا قالعان بەيبىت تۇرعىندارعا كەتۋگە قولايلى جاعداي جاساۋدى سۇرادى.
بىرىككەن ۇلتتار ۇيىمىنىڭ باس حاتشىسى ماسكەۋدە رەسەي پرەزيدەنتىمەن كەزدەسۋ وتكىزدى، دەپ حابارلايدى Almaty-akshamy.kz «حابار 24» سىلتەمە جاساپ.
انتونيۋ گۋتەرريش ۋكراينانىڭ ماريۋپول قالاسىنداعى «ازوۆستال» زاۋىتىندا قورشاۋدا قالعان بەيبىت تۇرعىندارعا كەتۋگە قولايلى جاعداي جاساۋدى سۇرادى. ول ەۆاكۋاسيانى «قىزىل كرەست» حالىقارالىق ۇيىمىمەن بىرلەسىپ ىسكە اسىرۋدى ۇسىندى.
«مەن بۇل وكپە-رەنىشتى تۇسىنەمىن، ءبىراق مۇنداي وكپە-رەنىش بىرىككەن ۇلتتار ۇيىمى جارعىسىنىڭ ءارتۇرلى قۇرالدارى ارقىلى شەشىلۋى ءتيىس. ءبىر نارسە انىق، قانداي دا ءبىر ەلدىڭ جەر تۇتاستىعىن بۇزۋ بىرىككەن ۇلتتار ۇيىمى جارعىسىنا مۇلدە سايكەس كەلمەيدى. «ازوۆستال» زاۋىتىندا قامالىپ قالعان ادامداردىڭ ءبىرازى رەسەيگە، ءبىرقاتارى ۋكراينا بيلىگىنىڭ باقىلاۋىنداعى جەرگە بارعىسى كەلەدى. «قىزىل كرەست» حالىقارالىق ۇيىمىمەن بىرلەسىپ، بارلىق رەسۋرستى جۇمىلدىرىپ، 2 ەلدىڭ بيلىگىمەن قويان-قولتىق جۇمىس ىستەي وتىرىپ، قورشاۋداعى ادامداردىڭ كەتۋىنە مۇمكىندىك جاسالسا، جاقسى بولار ەدى»، – دەدى بۇۇ باس حاتشىسى انتونيۋ گۋتەرريش.
ۆلاديمير پۋتين قىرىم تۇبەگى مەن دونباسستا ءوزىن-وزى جاريالاعان حالىق رەسپۋبليكالارىنا قاتىستى جەر داۋىن شەشپەي، ەشقانداي كەلىسىمگە قول قويىلمايتىنىن جەتكىزدى. سونداي-اق بىرىككەن ۇلتتار ۇيىمى كرەمل باسشىسى گۋتەرريشتىڭ ماريۋپولدەگى بەيبىت تۇرعىنداردى كوشىرۋ تۋرالى ۇسىنىسىن قابىلدادى دەپ مالىمدەدى.
«ءبىز قىرىم، سيەۆاستوپول جانە دونباسس رەسپۋبليكالارىنا قاتىستى اۋماقتىق ماسەلەلەر شەشىلمەي، قاۋىپسىزدىك كەپىلدىگى تۋرالى كەلىسىمگە قول قويا المايمىز. ءبىراق سوندا دا كەلىسسوزدەر ونلاين تۇردە جالعاسىپ جاتىر. ناتيجەسى وڭ بولادى دەپ سەنەمىن. ماريۋپولدەگى جاعدايعا كەلسەك، ۋكراينا بيلىگى وندا بەيبىت تۇرعىندار بار دەيدى. ولاي بولسا، ۋكراين اسكەرى ادامداردىڭ كەتۋىنە مۇمكىندىك بەرسىن. ايتپەسە، ولاردىڭ قازىرگى ءىسى سيرياداعى بەيبىت حالىقتى قالقان قىلعان «دايش» سودىرلارى سياقتى»، – دەدى رف پرەزيدەنتى ۆلاديمير پۋتين.