مەملەكەتتىك كىرىستەر دەپارتامەنتى الماتىلىقتاردان دەكلاراسيانى تاپسىرۋ مەرزىمىن كەشىكتىرمەۋدى ەسكە سالدى.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى مەملەكەتتىك كىرىستەر دەپارتامەنتىنىڭ وندىرىستىك ەمەس تولەمدەر باسقارماسىنىڭ باسشىسى قاناعات كۇلەمبايەۆ ايتتى، دەپ حابارلايدى Almaty-akshamy.kz
2024 جىلدىڭ 1 قاڭتارىنان باستاپ دەكلاراسيانى ۇسىنۋ بويىنشا مىندەتتەمەلەر بيزنەس وكىلدەرى مەن ولاردىڭ جۇبايلارىندا (زاڭدى تۇلعالاردىڭ باسشىلارىندا، قۇرىلتايشىلارىندا (قاتىسۋشىلارىندا)، جەكە كاسىپكەرلەردە) تۋىندايدى.
الماتى قالاسى بويىنشا 3-كەزەڭدە دەكلاراسيالاۋعا جاتاتىن تۇلعالاردىڭ سانى 357 مىڭنان اسادى.
جالپىعا بىردەي دەكلاراسيالاۋ 2 نىساندا ۇسىنىلادى:
- "اكتيۆتەر مەن مىندەتتەمەلەر تۋرالى دەكلاراسيا" (250.00 نىسانى)
- "كىرىستەر مەن مۇلىك تۋرالى دەكلاراسيا" (270.00 نىسانى).
«جالپىعا ورتاق دەكلاراسيالاۋ جۇيەسىنە كىرگەن كەزدە 250.00 نىسانى بويىنشا دەكلاراسيا تاپسىرىلادى، ول ءبىر رەت ۇسىنىلادى - "كىرىس" دەكلاراسياسى دەپ اتالادى، ال ودان كەيىنگى جىلدارى 270.00 نىسانى بويىنشا جىل سايىنعى دەكلاراسيا تاپسىرىلادى»، - دەدى قاناعات كۇلەمبايەۆ.
تاجىريبە كورسەتكەندەي، 250.00 نىسانىنداعى اكتيۆتەر مەن مىندەتتەمەلەر تۋرالى دەكلاراسيانى تولتىرۋ كەزىندە كەيبىر دەكلارانتتار قاتەلىكتەر جىبەرەدى جانە كوبىنەسە سالىق كەزەڭىن دۇرىس كورسەتپەيدى، 2024 جىلدىڭ ورنىنا 2023 جىلدى كورسەتەدى. جالپى الماتى قالاسى بويىنشا مۇنداي دەكلاراسيالار 7 مىڭنان اسادى.
سونداي-اق، سالىق تولەۋشىنىڭ ساناتىن تاڭداۋدا قاتەلىكتەر بار، ياعني «ۆ» ساناتىنىڭ ورنىنا (3-كەزەڭ بويىنشا دەكلاراسيالاۋعا جاتاتىندار) «ا» ساناتىن تاڭدايدى (مەملەكەتتىك قىزمەتكە نەمەسە سايلانبالى قىزمەتكە ۇمىتكەرلەر). قالا بويىنشا مۇنداي دەكلاراسيالار 2 مىڭعا جۋىق.
سونىمەن قاتار، ول كىرىس دەكلاراسياسىن تولتىرۋ كەزىندە كەيبىر ماسەلەلەرگە جانە ءجيى قويىلاتىن ساۋالدارعا توقتالدى.
اكتيۆتەر مەن مىندەتتەمەلەر بويىنشا «كىرىس» دەكلاراسياسىن تولتىرۋ شارتتارىنىڭ ءبىرى - 2023 جىلدىڭ 31 جەلتوقسانىنداعى جاعداي بويىنشا قارىزدار مەن تالاپتاردى كورسەتۋ. ياعني، ازاماتتار دەكلاراسيادا باسقا جەكە نەمەسە زاڭدى تۇلعالار الدىنداعى قارىزدارىن كورسەتۋى كەرەك. سونداي-اق، وسى جەكە تۇلعاعا باسقالاردىڭ قايتارۋى ءتيىس قارىزدار تۋرالى ەسەپ بەرىلەدى.
سالىق كودەكسىنىڭ نورمالارىنا سايكەس نەسيەلىك كەلىسىمدەر نوتاريالدى كۋالاندىرىلعان بولۋى كەرەك (سالىق كودەكسىنىڭ 631-بابىنىڭ 2-تارماعى).
شارتتاردى كۋالاندىرۋ ءتارتىبى «نوتاريات تۋرالى» قرز 8-تاراۋىمەن رەگلامەنتتەلەدى، نوتارياتتىق ىس-ارەكەتتەردى جاساۋ مەرزىمدەرى 40-باپتا ايقىندالعان (بۇل ءۇشىن بارلىق قاجەتتى قۇجاتتار ۇسىنىلعان جانە مەملەكەتتىك باج تولەنگەن كۇنى).
كەلىسىمشارتتار مەن باسقا قۇجاتتار باستاپقى دەكلاراسيانى تاپسىرعانعا دەيىن نوتاريالدى كۋالاندىرىلۋى ءتيىس (تاپسىرۋ مەرزىمى 2024 جىلدىڭ 15 قىركۇيەگىنە دەيىن).
نازار اۋداراتىن جايت، قارىزدار مەن مىندەتتەمەلەردى كورسەتۋ تەك باستاپقى دەكلاراسيادا مۇمكىن بولادى، تولىقتىرۋلار قابىلدانبايدى (سالىق كودەكسىنىڭ 211-بابىنىڭ 5-تارماعى).
بانكتىك قارىز شارتتارى دەكلاراسيادا كورسەتىلمەيدى.
سونىمەن بىرگە، زاڭدى تۇلعالارمەن (ميكروقارجى ۇيىمدارىن قوسا العاندا) جاسالعان كەلىسىمشارتتار دەكلاراسيادا كورسەتىلۋگە ءتيىس.
ازاماتتار اكتيۆتەرى مەن مىندەتتەمەلەرى تۋرالى دەكلاراسيادا قالاۋى بويىنشا قۇنى بىرلىگى ءۇشىن 3،5 ميلليون تەڭگەدەن (1000 اەك) اساتىن قۇندى مۇلىكتى كورسەتە الادى.
مۇنداي مۇلىككە قازاقستان رەسپۋبليكاسىندا دا، شەتەلدە دە ورنالاسقان كەز كەلگەن قىمبات مۇلىك، مىسالى، مادەني قۇندىلىقتار، زەرگەرلىك بۇيىمدار، اسىل تۇقىمدى جانۋارلار جانە باسقا دا باعالى مۇلىك، سونداي-اق اياقتالماعان قۇرىلىس وبەكتىلەرى جاتادى.
كورسەتىلگەن مۇلىك 2023 جىلعى 31 جەلتوقسانداعى جاعداي بويىنشا باعالاۋ قۇنى بولعان جاعدايدا دەكلاراسيالانادى. بۇل رەتتە باعالاۋ دەكلاراسيانى تاپسىرۋ ساتىنە دەيىن (2024 جىلعى 15 قىركۇيەكتەن كەشىكتىرمەي) جۇرگىزىلۋى ءتيىس.
وكق سپيكەرى سالىق ورگاندارىنىڭ شەتەلدىك كوزدەردەن تۇسەتىن كىرىستەر تۋرالى قالاي بىلەتىنىن ءتۇسىندىردى.
قارجى مينيسترلىگى 2021 جىلدان باستاپ شەتەلدىك بانكتىك شوتتارعا تۇسكەن قازاقستاندىق ازاماتتاردىڭ كىرىستەرى تۋرالى اقپاراتتى الىپ كەلەدى. بۇل مالىمەتتەر قۇزىرەتتى ورگانداردىڭ سالىق ىستەرى بويىنشا ءوزارا اكىمشىلىك كومەك تۋرالى كونۆەنسيا (ستراسبۋرگ، 1988 جىلعى 25 قاڭتار) شەڭبەرىندە قارجىلىق شوتتار تۋرالى اقپاراتتى اۆتوماتتى تۇردە الماسۋ تۋرالى كوپجاقتى كەلىسىمىنە (CRS) سايكەس كەلەدى.
جىل سايىن 86 ەلدەن اقپارات كەلىپ تۇسەدى، نەگىزگى ەلدەر ءباا، ۇلىبريتانيا، تۇركيا، فرانسيا جانە ت.ب.
«كەلىپ تۇسكەن مالىمەتتەر جەكە تابىس سالىعى بويىنشا سالىق مىندەتتەمەلەرىن ايقىنداۋ ماقساتىندا سالىقتىق اكىمشىلەندىرۋ ءۇشىن عانا پايدالانىلادى»، - دەپ حابارلادى قاناعات كۇلەمبايەۆ.
ول ازاماتتار كەز كەلگەن قاتەلىكتەردى نەمەسە انىق ەمەس مالىمەتتەردى ەسكىرۋ مەرزىمى ىشىندە قوسىمشا دەكلاراسيا تاپسىرۋ ارقىلى دەربەس جويۋعا قۇقىلى (3 جىل). تەك، دەبيتورلىق جانە كرەديتورلىق قارىزدار وزگەرتۋگە جاتپايدى.
سونداي-اق، جەكە تۇلعالاردىڭ تابىستارىنا سالىقتىق باقىلاۋ قالاي جۇرگىزىلەتىنىن ايتتى.
باستاپقىدا اۆتوماتتى كامەرالدىق باقىلاۋ جۇزەگە اسىرىلادى – جەكە تۇلعالاردىڭ شىعىندارىنىڭ مونيتورينگى كەلەسىدەي جۇزەگە اسىرىلادى:
- دەكلاراسيانىڭ بولۋى/بولماۋى تەكسەرىلەدى؛
- فاكتى انىقتالۋدا كورىنىس بەرمەۋلەر دەكلاراسياداعى كىرىستەر مەن مۇلىكتەر جانە كىرىستەردى تومەندەتۋ.
سودان كەيىن، كامەرالدىق باقىلاۋ ناتيجەلەرى بويىنشا بۇزۋشىلىقتاردى جويماعان ازاماتتارعا قاتىستى سالىقتىق تەكسەرۋ جۇرگىزىلەدى.
قاناعات كۇلەمسبايەۆ دەكلاراسيانى ءبىرىنشى رەت تاپسىرماعانى ءۇشىن ەسكەرتۋ، ءبىر جىل ىشىندە قايتالاپ بۇزعانى ءۇشىن – 51 750 تەڭگە (15 اەك) كولەمىندە ايىپپۇل قاراستىرىلعانىن ەسكە سالدى.
دەكلاراسيادا تولىق ەمەس، جالعان مالىمەتتەردى ءبىرىنشى رەت ۇسىنعانى ءۇشىن – ەسكەرتۋ، ءبىر جىل ىشىندە قايتالاپ بۇزعانى ءۇشىن – 10 350 تەڭگە (3 اەك) كولەمىندە ايىپپۇل سالىنادى (اقبتك-نىڭ 272-بابى).