الماتىداعى ءابىلحان قاستەيەۆ اتىنداعى مەملەكەتتىك ونەر مۋزەيىندە اۋقىمدى جوندەۋ-قالپىنا كەلتىرۋ جۇمىستارى باستالدى. بۇل تۋرالى ق ر مادەنيەت جانە اقپارات ءمينيسترى ايدا بالايەۆا مالىمدەدى، دەپ حابارلايدى اqshamnews.kz ءتىلشىسى.
ءمينيستردىڭ ايتۋىنشا، مادەني نىسانداردى جاڭعىرتۋ مەن ساقتاۋ باعىتىنداعى مەملەكەتتىك باعدارلاما اياسىندا ىسكە اسىرىلىپ جاتقان جوبا مۋزەيدى زاماناۋي تالاپتارعا ساي قايتا جابدىقتاۋعا باعىتتالعان.
"جاڭعىرتۋ شەڭبەرىندە شاتىردى اۋىستىرۋ، زاماناۋي كليماتتىق جۇيەلەر ورناتۋ، پاركەت جابىندىسىن قالپىنا كەلتىرۋ جانە وزگە دە ماڭىزدى تەحنيكالىق جەتىلدىرۋلەر كوزدەلگەن. بۇل شارالار كەلۋشىلەر ءۇشىن بارىنشا قولايلى جاعداي جاساپ، ونەر تۋىندىلارىن ساقتاۋدىڭ زاماناۋي تالاپتارىن قامتاماسىز ەتۋگە باعىتتالعان" دەلىنگەن مينيستر جازباسىندا.
5 تامىزدان باستاپ مۋزەي ۋاقىتشا جابىلدى. مۇنداي شەشىم قۇندىلىقتاردى ساقتاۋ مەن قۇرىلىس كەزەڭىندەگى قاۋىپسىزدىكتى قامتاماسىز ەتۋ ءۇشىن قابىلدانعان.
"وسى ماڭىزدى جوبانى جۇزەگە اسىرۋعا قولداۋ كورسەتكەن Senim Qogamy قورى مەن باس دەمەۋشى "سامۇرىق-قازىنا" اق-نا شىنايى العىسىمىزدى بىلدىرەمىز. جوندەۋ جۇمىستارىن مەردىگەر ۇيىم – "Lucky Build Company" ج ش س اتقارىپ جاتىر" دەپ قوستى بالايەۆا.
بارلىق جۇمىس اياقتالعان سوڭ، جاڭارعان قاستەيەۆ مۋزەيى قوناقتارىن جاڭا زامانعا ساي كەڭىستىكتە، شابىت سىيلايتىن اتموسفەرادا قارسى الاتىن بولادى.