جىل سايىن تۇتىنۋشىلاردىڭ قۇقىقتارىن بۇزۋ تۋرالى شاعىمداردىڭ سانى ارتىپ كەلەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى نۇرلان ابدييەۆ مالىمدەدى، دەپ حابارلايدى اlmaty-akshamy.kz.
ازاماتتار ساپاسىز تاۋاردى ايىرباستاي المايتىندىعىنا نەمەسە اقشانى قايتارا المايتىندىعىنا شاعىمدانادى. حالىقتان جوسىقسىز كاسىپكەرلەرگە قاتىستى شاعىمدار تۇسەدى.
كوبىنەسە ازاماتتار جيھاز جاساۋ جانە جوندەۋ قىزمەتىنە شاعىمادانادى.
كوبىنەسە تۇتىنۋشىلار كاسىپكەرلەر جوسىقسىز تاۋاردى ساتقاننان كەيىن، ونى ايىرباستاۋ نەمەسە اقشانى قايتارۋ تۋرالى سوتقا دەيىنگى تالاپتارعا جاۋاپ بەرمەدى دەپ شاعىمدانادى، دەگەنمەن ولار مۇنى 10 كۇنتىزبەلىك كۇن ىشىندە جاساۋى كەرەك.
تۇتىنۋ قۇقىعىن بۇزۋدىڭ كوپتەگەن مىسالدارى بار. ولار بۇكىل ەلدە كەزدەسەدى. ماماندار تالاپتاردىڭ ءوسۋىن تۇتىنۋ مادەنيەتىنىڭ وسۋىمەن بايلانىستىرادى.
2024 جىلدىڭ باسىنان باستاپ الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى تۇرعىنداردان 4 مىڭعا جۋىق ءوتىنىشتى قارادى، تۇتىنۋشىلارعا 100 918 331 تەڭگە قايتارىلدى.
"وتىنىشتەردىڭ نەگىزگى ۇلەسى بولشەك جانە ەلەكتروندىق ساۋدا سالاسىندا، ساپاسىز كورسەتىلەتىن قىزمەتتەرگە كەلىپ تۇسەدى. جىل باسىنان بەرى الماتىلىقتارعا 100 ملن تەڭگەدەن استام قاراجات قايتارىلدى"، - دەدى نۇرلان ابدييەۆ.
ول تۇرمىستىق قىزمەت كورسەتۋ سالاسىندا تۇتىنۋشىلار كوبىنەسە ساپاسىز قىزمەت الاتىنىن اتاپ ءوتتى. دەپارتامەنت تۇتىنۋشىلارمەن ءتۇسىندىرۋ جۇمىستارىن جۇرگىزەدى، سوتقا دەيىنگى تالاپتاردى جاساۋدا قۇقىقتىق كومەك كورسەتەدى جانە سوتقا ءۇشىنشى تۇلعا رەتىندە قاتىسادى.
دەپارتامەنت تكش قىزمەتتەرى، سونداي-اق ءبىلىم بەرۋ، مەديسينا جانە قوعامدىق تاماقتانۋ جانە بايلانىس سالالارىنا قاتىستى وتىنىشتەردى قالانىڭ جەرگىلىكتى اتقارۋشى ورگاندارى، ىشكى ىستەر ورگاندارى جانە ۇيالى وپەراتورلارمەن بىرلەسىپ پىسىقتايدى.
"بۇل باعىتتاعى جۇمىس تۇراقتى باقىلاۋدا جانە جالعاستىرىلادى"، - دەپ تولىقتىردى نۇرلان ابدييەۆ.
بريفينگكە قاتىسقان جوبانىڭ زاڭگەرى تالعات قاسىمعالييەۆ الماتىلىقتار تاۋارلار مەن قىزمەتتەردى ساتىپ العان كەزدە ساتۋشىلار تاراپىنان ساپاسىز نەمەسە جوسىقسىز قارىم-قاتىناسقا ءجيى تاپ بولاتىنىن اتاپ ءوتتى. وسىلايشا، تۇتىنۋشىلاردىڭ قۇقىقتارى ءجيى بۇزىلادى.
سونداي-اق، تۇتىنۋشىلاردىڭ قۇقىقتارىن قورعاۋدىڭ بۇكىل جۇيەسى تۇتىنۋشىلاردىڭ قۇقىقتارىن وسى جەردە جانە ءقازىر قامتاماسىز ەتۋ الگوريتمىنە قايتا قۇرىلىپ جاتقانىن حابارلادى.
"قازىرگى قوعامدا بۇل زاڭ وتە قاجەت. ق ر "تۇتىنۋشىلاردىڭ قۇقىقتارىن قورعاۋ تۋرالى" № 274-IV زاڭى. تۇتىنۋشى مەن ساتۋشى، تاۋار ءوندىرۋشى، قىزمەت كورسەتۋشى اراسىنداعى قاتىناستاردى رەتتەيتىن نورماتيۆتىك اكت، بۇل بارلىق تالاپتارعا جاۋاپ بەرەدى. قازىرگى ۋاقىتتا تاراپتار اراسىنداعى قۇقىقتىق قاتىناستاردىڭ ۇتىمدى تەتىگى بولىپ تابىلادى. كەز كەلگەن تۇتىنۋشى، ساتۋشى بۇل زاڭدى ءبىلۋى ءتيىس"، - دەپ اتاپ ءوتتى ت.قاسىمعالييەۆ.
سۇراقتارىڭىز بەن شاعىمدارىڭىز بويىنشا وسى بايلانىستارعا جۇگىنسەڭىز بولادى: الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى، جاندوسوۆ كوشەسى، 2 مەكەنجايىندا ورنالاسقان. بايلانىس ءنومىرى: 8 7273922183، 87273922154 جانە 87008628454 WhatsApp جەلىسىنە جازۋعا بولادى.