بۇل وقىتۋدىڭ ماقساتى حالىقتىڭ قۇقىقتىق ساۋاتتىلىعىن ارتتىرۋ جانە ولاردى تۇتىنۋشىلاردىڭ زاڭدى قۇقىقتارىنا ۇيرەتۋ بولىپ تابىلادى. بۇل تۋرالى الماتىنىڭ وڭىرلىك كوممۋنيكاسيالار قىزمەتىنىڭ بريفينگىندە جوبا جەتەكشىسى، "جاناشىر" حالىقارالىق قوعامدىق قورىنىڭ پرەزيدەنتى جاڭىل اپەتوۆا مالىمدەدى، دەپ حابارلايدى اlmaty-akshamy.kz.
الماتى قالاسى قوعامدىق دامۋ باسقارماسىنىڭ مەملەكەتتىك الەۋمەتتىك تاپسىرىسى نەگىزىندە جانە الماتى قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىلىعىمەن "جاڭاشىر" حالىقارالىق قوعامدىق قورى "تۇتىنۋشىلاردىڭ قۇقىقتارىن قورعاۋ سالاسىندا ازاماتتاردى وقىتۋ جانە ۇيرەتۋ" جوباسىن ىسكە اسىرۋدا.
"اعىمداعى جىلدىڭ سوڭىنا دەيىن جالعاساتىن بۇل جوبا اياسىندا جوعارى وقۋ ورىندارىنىڭ ستۋدەنتتەرى اراسىندا، قالانىڭ ساۋدا نۇكتەلەرى مەن مەكەمەلەرىندەگى تۇتىنۋشىلار اراسىندا وقىتۋ جۇمىستارى جۇرگىزىلۋدە. Instagram، Facebook، Telegram الەۋمەتتىك جەلىلەرىندە "تۇتىنۋشى-پوترەبيتەل" اقپاراتتىق اككاۋنتتارى بەلسەندى جۇمىس ىستەيدى"، – دەدى جاڭىل اپەتوۆا.
ازاماتتاردىڭ سۇراقتارى مەن شاعىمدارى ءۇشىن WhatsApp ءنومىرى بار: +7 700 862 8454 .
الماتى قالاسىنىڭ ساۋدا ورىندارىندا تۇتىنۋشىلاردىڭ قۇقىقتارىن قورعاۋ سالاسىنداعى جاڭا زاڭناما بويىنشا كەڭەس بەرەتىن ءموبيلدى زاڭ قىزمەتى جۇمىس ىستەيدى.
"ساپالى ءونىم" جوباسىنىڭ نەگىزگى ماقساتى ىشكى نارىقتا ازىق-تۇلىك ونىمدەرىنىڭ قاۋىپسىزدىگىن قامتاماسىز ەتۋ بولىپ تابىلادى، ال جاڭا زاڭناما قوعامنىڭ ءومىر ءسۇرۋ ساپاسىن جاقسارتۋعا جانە تۇتىنۋشىلاردىڭ قۇقىقتارىن قورعاۋ ماسەلەلەرىندە ۇكىمەتتىك ەمەس ينستيتۋتتاردىڭ ءرولىن نىعايتۋعا باعىتتالعان.
"جوبا باستالعاننان بەرى الماتى قالاسىنىڭ 8 اۋدانىنىڭ ساۋدا ورىندارىندا 500-گە جۋىق ادام كەڭەس الدى، 50-دەن استام ادام ءوز سۇراقتارىمەن جۇگىندى، 20-دان استام ادام WhatsApp نومىرىنە جازدى. البەتتە، بىزدە ءالى ساۋدا مادەنيەتى قالىپتاسپاعان جانە تۇتىنۋشىلاردىڭ قۇقىقتىق ساۋاتتىلىعى دامىماعان. سوندىقتان جوبا اياسىندا ءبىز ازاماتتاردىڭ قۇقىقتىق ساۋاتتىلىعىن ارتتىرۋعا بارىنشا كۇش سالامىز. ءبىز قالا تۇرعىندارىن وزدەرى ءۇشىن جاسالعان جاعدايدى پايدالانۋعا جانە بەلگىلەنگەن زاڭداردى ساقتاۋعا شاقىرامىز. ءوز قۇقىقتارىڭىزدى ءبىلۋ جانە ۋاقتىلى قولدانۋ الدانىپ قالۋدان ساقتايدى. تۇتىنۋشى رەتىندە ءسىزدىڭ قۇقىقتارىڭىز قورعالعانىن اتاپ ءوتۋ ماڭىزدى"، - دەدى ج.اپەتوۆا.
ونىڭ پىكىرىنشە، ادامي كاپيتال مەملەكەتتىڭ نەگىزگى رەسۋرسىن بىلدىرەدى. ونى نىعايتۋ تۋرالى ايتقان كەزدە وسى كاپيتالعا قاجەتتى ينۆەستيسيالاردى ەسكەرۋ قاجەت.
قورشاعان ورتا ادام ءۇشىن ماڭىزدى ءرول اتقارادى، سوندىقتان قوعامنىڭ ءاربىر مۇشەسى قۇقىقتىق ساۋاتتىلىققا يە بولۋى جانە تۇتىنۋ قۇقىعىن قورعاۋعا جاۋاپتى بولۋى كەرەك. بۇل ءومىر سۇرۋگە جانە جۇمىس ىستەۋگە قولايلى جاعداي جاسايدى.
"اۋدان باسشىلارىنان باستاپ ساۋدا نۇكتەلەرى مەن جوعارى وقۋ ورىندارىنا دەيىنگى ءارتۇرلى دەڭگەيدەگى باسشىلار تۇتىنۋشىلاردىڭ قۇقىقتارىن قورعاۋعا مۇددەلى ۇكىمەتتىك ەمەس ۇيىمداردىڭ جۇمىسىن بەلسەندى قولداۋعا ءتيىس. تەك وسى جاعدايدا عانا ناتيجەلەر مۇمكىندىگىنشە ءونىمدى بولادى. ەجەلگى داۋىردە دە، وركەنيەت دامي قويماعان كەزدە، ساۋدا قاتىناستارىندا تۇتىنۋشىلاردىڭ قۇقىقتارىن قورعاۋعا باسا نازار اۋدارىلعان"، – دەپ سانايدى ول.
تاريحي دەرەكتەر تۇتىنۋشىلاردىڭ قۇقىقتارى قوعامدا ءارقاشان ماڭىزدى ءرول اتقارعانىن كورسەتەدى. تۇتىنۋشىلاردى قۇقىقتىق قورعاۋ ەجەلدەن قالىپتاسقان جانە وركەنيەت دامۋىنىڭ اجىراماس بولىگى بولىپ تابىلادى.
بۇگىنگى تاڭدا حالىقارالىق تۇتىنۋشىلار وداعى الەمنىڭ كوپتەگەن ەلدەرىندەگى تۇتىنۋشىلاردىڭ قۇقىقتارىن قورعاۋ ۇيىمدارىن بىرىكتىرەدى. تۇتىنۋشىلاردىڭ حاباردارلىعىنا، قاۋىپسىزدىگىنە، تاڭداۋىنا ءمان بەرىلەدى.
وكق سپيكەرى ءبىزدىڭ ەلىمىز دە ازاماتتىق قوعام مەن قۇقىقتىق مەملەكەت قالىپتاستىرۋ بويىنشا جۇمىس ىستەپ جاتقانىن اتاپ ءوتتى. ازاماتتاردىڭ قۇقىقتىق مادەنيەتىنىڭ دەڭگەيى نەعۇرلىم جوعارى بولسا، قۇقىقتىق نورمالار سوعۇرلىم جاقسى ساقتالادى. جانە ولاردى جۇزەگە اسىرۋ تيىمدىرەك بولادى.
"دامىعان مەملەكەتتىڭ ازاماتى" زاڭداردى قاتاڭ ساقتاۋ كەرەك، ويتكەنى بۇل مەنىڭ ءومىرىم ءۇشىن جانە قوعامنىڭ دامۋى ءۇشىن ماڭىزدى"دەگەن قاعيدانى تۇسىنەدى. جالپى، ءوز قۇقىعى تۋرالى حاباردار تۇتىنۋشى بولىڭىز! تۇتىنۋشىلاردىڭ قۇقىقتارى ءبىزدىڭ ەلدە كەڭ تارالۋى ءۇشىن وسى قۇقىقتاردى زەرتتەۋ، ولاردى قولدانا ءبىلۋ، ءوزىڭىزدى قورعاۋ جانە قاجەت بولعان جاعدايدا دوستارىڭىز بەن جاقىندارىڭىزعا كومەكتەسۋ قاجەت. تۇتىنۋشى ءوز قۇقىقتارىن نەعۇرلىم جاقسى تۇسىنسە، ونىڭ ءوز مۇددەلەرىن زاڭدى قورعاۋعا مۇمكىندىگى سوعۇرلىم جوعارى بولادى. تۇتىنۋشىلاردىڭ قۇقىقتارى ماڭىزدى جانە ولاردى ساقتاۋ قوعامداعى ادىلەتتىلىك پەن جاۋاپكەرشىلىكتى دامىتۋعا ىقپال ەتەتىنىن ەستە ۇستاعان ءجون"، – دەپ قورىتىندىلادى جاڭىل اپەتوۆا.