ق ر مادەنيەت جانە اقپارات ءمينيسترى ايدا بالايەۆا استاناداعى شىۇ ءسامميتىنىڭ ناتيجەلەرى بويىنشا اقپارات جانە مادەنيەت سالاسىندا قانداي ۋاعدالاستىقتار ورناعانىن ايتىپ بەردى، دەپ حابارلايدى اlmaty-akshamy.kz.
«مۇندا ەكى اسپەكتىنى قاراستىرۋ كەرەك. ءبىرىنشىسى – جۇڭگو حالىق رەسپۋبليكاسىنىڭ كوشباسشىسى سي ءسزينپيننىڭ ساپارى. ونىڭ مەملەكەتتىك ساپارى اياسىندا مادەني-گۋمانيتارلىق باعىت بويىنشا كەلىسىمدەرگە قول قويىلدى. اتاپ ايتقاندا، استانادا جۇڭگو مادەني ورتالىعىن جانە بەيجىڭدە – قازاق مادەني ورتالىعىن اشامىز. زاڭ ءقازىردىڭ وزىندە راتيفيكاسيالانعان جانە ىسكە كىرىسە الامىز. بۇل قازاقستان-قىتاي قاتىناستارى تاريحىندا تۇڭعىش رەت بولىپ وتىر. العاش رەت مۇنداي ىنتىماقتاستىق ينستيتۋسيونالدى تۇردە جۇزەگە اسىرىلۋدا جانە ارينە، بۇل مادەني ورتالىقتار ەكى ەل حالىقتارىنىڭ بىر-بىرىمەن جاقىنىراق تانىسۋىنا ىقپال ەتەدى»، - دەدى مينيستر Silk way تەلەارناسىنا بەرگەن سۇحباتىندا.
«سوندىقتان شىۇ-عا ءتوراعالىق ەتۋ جانە تۇتاستاي العاندا شىۇ ۇيىمىنا كىرەتىن ەلدەردىڭ ءوزارا ءىس-قيمىلى ءبىرقاتار ماسەلەنى شەشۋگە ىقپال ەتەدى. اتاپ ايتقاندا، ءبىزدىڭ مينيسترلىك سەرىكتەستەرمەن وتە تىعىز قارىم-قاتىناستا جانە ءبىزدىڭ ەلدەرىمىز اراسىنداعى ەكىجاقتى قارىم-قاتىناستاردىڭ دامۋىنا ىقپال ەتەتىن بىرلەسكەن جوبالار پايدا بولۋدا. كەشە ءبىزدىڭ كوشباسشىلارىمىز جۇڭگو مەن قازاقستاننىڭ ءوزارا ءىس-قيمىلى جاڭا ساپالى دەڭگەيگە كوتەرىلگەنىن، بۇل ءبىزدىڭ ەلدەرىمىز اراسىنداعى ءوزارا ءىس-قيمىلدىڭ جاڭا ءداۋىرى ەكەنىن راستادى. سوندىقتان ءبارى، ەڭ الدىمەن، مەملەكەتتىك ورگانداردىڭ قالاي جۇمىس ىستەيتىنىنە جانە قارىم-قاتىناستاردى ودان ءارى نىعايتۋعا جانە تەرەڭدەتۋگە ىقپال ەتەتىنىنە بايلانىستى»، - دەپ تولىقتىردى ءسوزىن ا. بالايەۆا.