الماتىدا ق ر پرەزيدەنتىن سايلاۋعا دايىندىق تۋرالى ايتىلدى

ەل پرەزيدەنتىن سايلاۋ 20 قاراشاعا جوسپارلانعان جانە كەزەكتەن تىس بولادى.

الماتى قالاسى اۋماقتىق سايلاۋ كوميسسياسىنىڭ ءتوراعاسى جاننا اسانوۆا مەن اۋماقتىق سايلاۋ كوميسسياسى ءتوراعاسىنىڭ ورىنباسارى ايگۇل قالىقوۆا مەگاپوليستەگى سايلاۋ ناۋقانى تۋرالى ەگجەي-تەگجەيلى ايتىپ بەردى، دەپ حابارلايدى Almaty-akshamy.kz.

ەستەرىڭىزگە سالا كەتەيىك، قازاقستاندىقتار الداعى 7 جىلدا ەلدى باسقاراتىن مەملەكەت باسشىسىن تاڭداۋى كەرەك.

قازىرگى ۋاقىتتا جەرگىلىكتى اتقارۋشى ورگاندار سايلاۋشىلار ءتىزىمىن ناقتىلاۋ بويىنشا جۇمىس جۇرگىزۋدە.

"زاڭدا بىزدە مىناداي تارماق بار، ەگەر ازامات داۋىس بەرۋ كۇنىنە كەمىندە 30 كۇن قالعاندا داۋىس بەرۋ كۇنى ونىڭ داۋىس بەرۋ پۋنكتىنە كەلە المايتىنى بەلگىلى بولسا. ول سايلاۋ كۇنى ناقتى بولاتىن ورنى بويىنشا سايلاۋشىلار تىزىمىنە ەنگىزۋ ءۇشىن جەرگىلىكتى اكىمدىككە وتىنىشپەن جۇگىنۋگە قۇقىلى. تۇراقتى تىركەلگەن جەرى بويىنشا سايلاۋشىلار تىزىمىنەن ءبىر مەزگىلدە شىعارۋ بويىنشا"، - دەدى ا. قالىقوۆا.

سايلاۋشىلاردىڭ تىزىمدەرى تىركەۋ فاكتىسى بويىنشا، باسقاشا ايتقاندا تىركەلگەن جەرى بويىنشا جاسالادى.

“بۇل - داۋىس بەرۋ قۇقىعىن جۇزەگە اسىرۋعا مۇمكىندىك بەرەتىن وتە ماڭىزدى ارەكەتتەر. سونداي-اق، سايلاۋ ۋچاسكەسىنە كەلگەن كەزدە، ءسىز باسقا جەردە تىركەلگەندىكتەن، تىزىمدە بولماي قالاتىن جاعدايلاردى بولدىرمايدى”، - دەپ قوستى ج.اسانوۆa.

سايلاۋ ۋچاسكەلەرىنىڭ ءوزى سايلاۋ كۇنىنە 20 كۇن قالعاندا اشىلادى. ولاردىڭ ورنالاسقان جەرى باق-تا جاريالانادى.

جۋرناليستەردىڭ سۇراقتارىنا جاۋاپ بەرە وتىرىپ، سپيكەرلەر پرەزيدەنتتىك سايلاۋدى وتكىزۋگە 600 ۋچاسكەلىك سايلاۋ كوميسسياسى تارتىلعانىن، 8 اۋداندىق جانە 1 قالالىق كوميسسيا جۇمىس ىستەيتىنىن حابارلادى. تارتىلعان قىزمەتكەرلەر سانى 5 مىڭنان استام ادام.