ولار ءتيىستى تالاپتار مەن ەرەجەلەردى تولىق ساقتاۋ كەرەك.
رەسەيدەن قازاقستانعا كەلگەن دارىگەرلەر ەلىمىزدەگى كلينيكالاردا جۇمىسقا ورنالاسا الادى. بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستاندا ەڭبەك ميگرانتى رەتىندە جۇمىس ىستەۋگە قىزىعۋشىلىق تانىتقان رەسەيلىك دارىگەرلەر ەاەو زاڭناماسى اياسىندا بىزدەگى اۋرۋحانالارعا جۇمىسقا ورنالاسا الادى. وسى ورايدا ولار ءتيىستى تالاپتار مەن ەرەجەلەردى تولىق ساقتاۋ كەرەك»، - دەدى ا. عينيات پارلامەنت ماجىلىسىندەگى ۇكىمەت ساعاتىنان كەيىنگى باسپا ءسوز ءماسليحاتىندا.
ونىڭ ايتۋىنشا، ءبىرىنشى كەزەكتە ولاردىڭ ديپلومدارى بىزدە مويىندالۋى ءتيىس. ەكىنشىدەن، رەسەيلىك دارىگەرلەردىڭ سەرتيفيكاتتاۋدان ءوتۋى مىندەتتى بولادى.
بۇدان بۇرىن حابارلانعانداي، اۋىلداعى كادرلىق قامتاماسىز ەتۋگە تالداۋ جىرگىزىلىپ، 1 700-دەن استام مەديسينا قىزمەتكەرىنىڭ، ونىڭ ىشىندە 1000-نان استام دارىگەردىڭ تاپشىلىعى انىقتالدى.