سايلاۋشىلار تىزىمىنە ەنگىزۋ ءۇشىن ەلشىلىكتىڭ سايتىندا ورنالاستىرىلعان ارنايى نىساندى تولتىرۋ شارت.
قازاقستاندىقتار رەسەيدىڭ بەس قالاسىندا رەسپۋبليكا پرەزيدەنتىن سايلاۋدا داۋىس بەرە الادى، دەپ حابارلايدى Almaty-akshamy.kz ماسكەۋدەگى ەلشىلىكتىڭ باسپا ءسوز قىزمەتىنە سىلتەمە جاساپ.
«18 جاسقا تولعان قازاقستان رەسپۋبليكاسىنىڭ ازاماتتارى 265 سايلاۋ ۋچاسكەسى جۇمىس ىستەيتىن رەسەيدەگى قازاقستان ەلشىلىگىندە داۋىس بەرۋگە قاتىسا الادى»، - دەلىنگەن ەلشىلىك تاراتقان حابارلامادا.
سونداي-اق قازاقستان ازاماتتارىنا رەسپۋبليكانىڭ سانكت- پەتەربۋرگ، قازان، استراحان جانە ومبى باس كونسۋلدىقتارىنداعى ۋچاسكەلەردە جەرگىلىكتى ۋاقىت بويىنشا ساعات 07.00-دەن 20.00-گە دەيىن داۋىس بەرۋگە بولادى.
«سايلاۋ ۋچاسكەسىنە بارعان قازاقستاندىقتاردىڭ ءتولقۇجاتى نەمەسە جەكە كۋالىگى بولۋى كەرەك»، - دەپ ءتۇسىندىردى ەلشىلىك.