بۇرىن تاريحي وتانىنا ورالعىسى كەلەتىندەر 1 جىل ءجۇرىپ ازاماتتىققا قول جەتكىزسە، ءقازىر وڭتايلاندىرىلىپ، 3 ايعا قىسقارىپتى.
الماتىدا جىل باسىنان بەرى كوشى-قون قىزمەتىنىڭ كومەگىنە 2 مىڭعا جۋىق قانداسىمىز جۇگىنىپ، سونىڭ 460-ى ازاماتتىق العان. مۇنداي ناتيجەگە زاڭناما تالاپتارىنىڭ جەڭىلدەۋى اسەر ەتتى، دەيدى ماماندار، دەپ حابارلايدى Almaty-akshamy.kz Almaty.tv-گە سىلتەمە جاساپ.
سەبەبى، بۇرىن تاريحي وتانىنا ورالعىسى كەلەتىندەر 1 جىل ءجۇرىپ ازاماتتىققا قول جەتكىزسە، ءقازىر وڭتايلاندىرىلىپ، 3 ايعا قىسقارىپتى.
«قازاقستاننىڭ ازاماتتىعىن الىپ، ءقازىر وسى جەردە تۇرىپ جاتىرمىز. ءبىز ول كەزدە ورالمان قۇجاتىنىڭ ۋاقىتى بار ەكەنىن بىلمەدىك. جۇمىسىمىزعا قانداي كەدەرگىسى بارىن دا تۇسىنە المادىق. ارتىنان وسىنداي جەڭىلدىكتەر شىققاننان كەيىن ازاماتتىق الدىق»، – دەدى قانداس ساۋلەش ساپارحان.
ودان بولەك، ازاماتتىق العان ەتنيكالىق قازاقتار وزگە ەلدە قالعان تۋىستارىن قاسىنا الۋ ءۇشىن شاقىرتۋ دا جىبەرە الادى.
«كوبىنەسە شەتەلدەن جۇڭگو ەلىنەن 30 پايىزداي، رەسەيدەن 50 پايىز، قىرعىزستان، وزبەكستاننان 4 پايىزداي ەتنيكالىق قازاقتار كوشىپ كەلىپ جاتىر. بۇل كىسىلەر تىكەلەي ءبىزدىڭ باسقارماعا جۇگىنە الادى، بولماسا حقكو بارىپ ءوتىنىش بەرسە بولادى»، – دەدى قالالىق الەۋمەتتىك ءال-اۋقات باسقارماسىنىڭ كوشى-قون جۇيەلەرى ءبولىمىنىڭ باسشىسى مىرزان مارينوۆ.