قىلمىستىق جۇيەنى ۇيىمداستىرۋشىلار زاڭسىز التىن ىزدەۋشى «بريگاديرلەردى» قارجىلاندىرا وتىرىپ، زاڭسىز التىن ءوندىرۋ جۇمىسىن جۇرگىزۋگە جاعداي جاساعان.
ىشكى ىستەر مينيسترلىگى ەلىمىزدەگى 5 وڭىردە اۋقىمدى ارنايى وپەراسيا وتكىزدى. بارلىعى 32 ادام ۇستالدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
اقمولا وبلىسىنداعى كەنىش جانە كاسىپورىندارداعى التىنى بار ماتەريالداردى جىمقىرۋمەن اينالىسقان قىلمىستىق توپتىڭ جولىن كەسۋ ءۇشىن ىشكى ىستەر مينيسترلىگى ارنايى ماقساتتاعى جاساقتى تارتا وتىرىپ نۇر-سۇلتان، الماتى، شىمكەنت، اقمولا، ماڭعىستاۋ وبلىستارىندا ارنايى وپەراسيا وتكىزدى. قىلمىستىق جۇيەنى ۇيىمداستىرۋشىلار زاڭسىز التىن ىزدەۋشى «بريگاديرلەردى» قارجىلاندىرا وتىرىپ زاڭسىز التىن ءوندىرۋ جۇمىسىن جۇرگىزۋگە جاعداي جاساعان. كەشەندى ءىس-شارا بارىسىندا قىلمىستىق جۇيەنىڭ بارلىق ارەكەتى قۇجاتقا ءتۇسىرىلدى. ونىڭ ىشىندە زاڭسىز التىن وندىرۋدەن باستاپ، دايىن زەرگەرلىك بۇيىمدى ساتۋ ورىندارى دا قامتىلعان. ءتىپتى ءونىمدى كولىكتەگى جاسىرىن ورىندا الىپ ءجۇرۋ، وعان قولدان جاسالعان قۇجاتتار ازىرلەۋ دە بار.
27 تامىزدا 40 نىساندى ءتىنتۋ كەزەندى مىناداي زاتتار تاركىلەندى: – التىنى بار مەتالدى ونىدىرەتىن سەحتىڭ قىزمەتىن ۇيىمداستىرۋعا قاجەتتى قۇرىلعىلار (ۇستاتۋ قوندىرعىسى، حيميكات-رەاكتيۆتەر جانە باسقا دا قولدان ازىرلەنگەن سايماندار)؛ – الماتى مەن شىمكەنتتەگى زەرگەر بۇيىمدارىن بالقىتاتىن جانە ازىرلەيتىن ەكى جاسىرىن سەح (بالقىتۋ ستانوگى، التىن قۇياتىن قالىپ، كونسەنتراتتار جانە باسقا دا قۇرال-جابدىقتار)؛ –95 ملن 801 مىڭ تەڭگە جانە 356 مىڭ اقش دوللارى؛ – التىن بۇيىمدار مەن ۇساق التىن قيىرشىعى، جالپى سالماعى 10 كەلىدەن اسادى؛ – 13 قىمبات كولىك (2020-2021 جىلعى Lexus LX 570، Nissan Patrol، Toyota)؛ – 5 قارۋ؛ – شىمكەنتتەگى جاسىرىن سەحتىڭ قىزمەتىنە قاتىستى قۇجاتتار. قىلمىسقا قاتىستى دەگەن كۇدىكپەن 32 ادام ۇستالدى، ونىڭ 9-ى قىلمىستىق ءىس جۇرگىزۋ كودەكسىنىڭ 128-بابىمەن ۋاقىتشا ۇستاۋ يزولياتورىنا قامالدى. قىلمىستىق توپتى ۇيىمداستىرۋشىلاردىڭ ۇستىنەن قىلمىستىق كودەكستىڭ 262-بابى 1،2-بولىگىمەن، 188-باپتىڭ 4-بولىگىمەن، 196-باپتىڭ 4-بولىگىمەن قىلمىستىق ءىس قوزعالدى. ءقازىر سوتقا دەيىنگى تەرگەۋ جۇرگىزىلىپ جاتىر.