رەسپۋبليكا بويىنشا سولتۇستىكتە، سولتۇستىك-باتىستا، وڭتۇستىك-شىعىستىڭ تاۋلى اۋداندارىندا جەل كۇشەيىپ، بۇرشاق جاۋادى.
«قازگيدرومەت» رمك-سى تامىزدىڭ 28ء-ى كۇنگى اۋا رايى بولجامىن جاريالادى، دەپ حابارلايدى Almaty-akshamy.kz.
كاسپورىن تاراتقان مالىمەتتەرگە قاراعاندا، قازاقستاننىڭ باسىم بولىگىندە كۇن ءالى دە جاۋىن-شاشىنسىز، تەك بۇرىنعىداي سولتۇستىگىندە، سولتۇستىك-باتىسىندا، وڭتۇستىك-شىعىستىڭ تاۋلى اۋداندارىندا جاڭبىر جاۋادى، نايزاعاي وينايدى. رەسپۋبليكا بويىنشا سولتۇستىكتە، سولتۇستىك-باتىستا، وڭتۇستىك-شىعىستىڭ تاۋلى اۋداندارىندا جەل كۇشەيىپ، بۇرشاق جاۋادى. كۇندىز جامبىل وبلىسىنىڭ تاۋلى اۋداندارىندا، الماتى وبلىسىنىڭ تاۋلى جانە تاۋ بوكتەرى اۋداندارىندا نايزاعاي وينايدى. جامبىل وبلىسىندا بۇرشاق جاۋادى، نايزاعاي كەزىندە جەلدىڭ جىلدامدىعى سەكۋندىنا 15-20 مەترگە جەتەدى. اقمولا وبلىسىندا تاڭەرتەڭ جانە كۇندىز سولتۇستىگىندە، سولتۇستىك-شىعىسىندا نايزاعاي ويناپ، بۇرشاق جاۋادى. نايزاعاي كەزىندە جەلدىڭ جىلدامدىعى سەكۋندىنا 15-20 مەترگە جەتەدى. كۇندىز باتىس قازاقستان وبلىسىنىڭ وڭتۇستىك-باتىسىندا جەل 15-20 م/س جىلدامدىقپەن سوعادى. كۇندىز اقتوبە وبلىسىنىڭ شىعىسىندا نايزاعاي وينايدى. قوستاناي وبلىسىنىڭ سولتۇستىگىندە، سولتۇستىك-شىعىسىندا نايزاعاي ويناپ، بۇرشاق جاۋادى، داۋىل تۇرادى، تۇندە وبلىستىڭ سولتۇستىگىندە جەل كۇشەيەدى. كۇندىز باسىم بولىگىندە 15-23 م/س جەل سوعادى. سولتۇستىك قازاقستان وبلىسىنىڭ سولتۇستىگىندە، باتىسىندا نايزاعاي وينايدى، كۇندىز بۇرشاق جاۋىپ، داۋىل تۇرادى، تۇندە جانە تاڭەرتەڭ وڭتۇستىگىندە تۇمان تۇسەدى. كۇندىز وبلىستىڭ سولتۇستىگىندە، باتىسىندا جەل 15-20 م/س جىلدامدىقپەن سوعادى. پاۆلودار وبلىسىنىڭ سولتۇستىگىندە نايزاعاي ويناپ 15-20 م/س جىلدامدىقپەن سوعادى. كۇندىز الماتى، اتىراۋ، اقتوبە وبلىستارىنىڭ باسىم بولىگىندە، ماڭعىستاۋ وبلىسىنىڭ وڭتۇستىگىندە اپتاپ ىستىق بولادى. ماڭعىستاۋ، اتىراۋ، باتىس قازاقستان، اقتوبە، قىزىلوردا، تۇركىستان، جامبىل، الماتى وبلىستارىندا، قوستاناي، شىعىس قازاقستان وبلىستارىنىڭ وڭتۇستىگىندە، قاراعاندى وبلىسىنىڭ وڭتۇستىك-باتىسىندا، سولتۇستىگىندە، اقمولا وبلىسىنىڭ وڭتۇستىگىندە، سولتۇستىك-باتىسىندا توتەنشە ءورت ءقاۋپى ساقتالادى.