وعان «توتەنشە جاعدايداعى ەرلىگى ءۇشىن» توسبەلگىسى تابىستالدى.
الماتىدا بيىكتىكتەن قۇلاي جازداعان بالانى قۇتقارعان ستۋدەنت ماراپاتتالدى، دەپ حابارلايدى Almaty-akshamy.kz توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.
توتەنشە جاعدايلار دەپارتامەنتىنىڭ مالىمەتىنشە، مينيستر يۋريي ءيليننىڭ بۇيرىعى بويىنشا الماتىدا اباي اتىنداعى پەداگوگيكالىق ۋنيۆەرسيتەتتىڭ دەنە شىنىقتىرۋ فاكۋلتەتىنىڭ 18 جاستاعى ستۋدەنتى ەراسىل ماحمۇد ماراپاتتالعان. ول بالانى امان الىپ قالعانى ءۇشىن «توتەنشە جاعدايداعى ەرلىگى ءۇشىن» توسبەلگىسىمەن ماراپاتتالدى.
«الماتىدا سالتاناتتى تۇردە ۇجىمنىڭ قاتىسۋىمەن ءمينيستردىڭ اتىنان ماراپاتتى الماتى قالاسى توتەنشە جاعدايلار دەپارتامەنتىنىڭ باسشىسى رۋسلان قاسىبايەۆ تابىس ەتتى. رۋسلان قاسىبايەۆ ەراسىلدىڭ اتا-اناسىنا ۇلىنا لايىقتى تاربيە بەرگەنى ءۇشىن العىسىن ءبىلدىردى. ول قازاقستاندا وسىنداي بالالار باردا اعا بۋىن ەلىمىزدىڭ بولاشاعىنا سەنىمدى بولا الاتىنىن ايتتى»، - دەدى توتەنشە جاعدايلار مينيسترلىگى وكىلدەرى.
21 شىلدە كۇنى ماحمۇد ەراسىل كوپ قاباتتى ءۇيدىڭ جەتىنشى قاباتىنداعى باسپالداقتىڭ قورشاۋىندا قىسىلىپ قالعان بالانى ۇستاپ، امان الىپ قالعان.