الماتى بيىلعى جارتىجىلدىق ساۋدا كولەمى بويىنشا العاشقى ورىندا تۇر

ەلىمىزدىڭ تۇرعىندارى جارتى جىلدا بازار مەن دۇكەندە 6 ترلن تەڭگە جۇمساعان.

وڭىرلەر بويىنشا بولشەك ساۋدا تاۋارلارىنىڭ باسىم بولىگى ادەتتەگىدەي الماتىعا تيەسىلى، دەپ حابارلايدى Almaty-akshamy.kz

وسى جىلدىڭ ءبىرىنشى جارتىجىلدىعىندا قازاقستاندىقتار ەلدەگى دۇكەندەر مەن بازارلاردا 6 ترلن تەڭگەدەن استام اقشا جۇمسادى.

Ranking.kz پورتالىنىڭ مالىمەتىنشە، ءبىرىنشى جارتىجىلدىقتىڭ قورىتىندىسىندا بولشەك ساۋدا كولەمى 6،1 ترلن تەڭگەگە جەتتى. بۇل ءبىر جىل بۇرىنعى اقشالاي ماندەگى كورسەتكىشتەن 13،8 پايىزعا ارتىق.

ازىق-تۇلىك تاۋارلارىنىڭ بولشەك ساۋداسى ءبىر جىلدا 7،9 پايىزعا ءوسىپ، 2 ترلن تەڭگەگە جەتتى. ال ازىق-تۇلىككە جاتپايتىن تاۋارلار 17 پايىزعا ارتىپ، 4،1 ترلن تەڭگەنى قۇرادى. ساۋدا كاسىپورىندارى مەن ۇيىمدارى 4،3 تريلليون تەڭگەنىڭ، جەكە كاسىپكەرلەر، ونىڭ ىشىندە بازارلاردا ساۋدا جاسايتىندار 1،8 تريلليون تەڭگەنىڭ تاۋارىن ساتتى.

وڭىرلەر بويىنشا بولشەك ساۋدا تاۋارلارىنىڭ باسىم بولىگى ادەتتەگىدەي الماتىعا تيەسىلى جانە رەسپۋبليكاداعى كورسەتكىشتىڭ 30،7 پايىزىن قۇراپ وتىر. اقشامەن ەسەپتەگەندەگى كولەمى ءبىر جىلدا 10،7 پايىزعا ءوسىپ، 1،9 ترلن تەڭگەگە جەتتى.

نۇر-سۇلتان ەكىنشى ورىندا تۇر. استانادا ساۋدا-ساتتىق 16،8 پايىزعا ۇلعايىپ، 711،2 ملرد تەڭگەنى قۇرادى. ءۇشىنشى ورىندا تۇرعان قاراعاندى وبلىسىندا بولشەك ساۋدا 5،5 پايىزعا ءوسىپ، 506،7 ملرد تەڭگە بولدى. رەسمي بولشەك ساۋدانىڭ ەڭ از كولەمى جاڭادان قۇرىلعان ۇلىتاۋ وبلىسىندا تىركەلدى، نەبارى 39 ملرد تەڭگە.