اۋىلدى دامىتۋ تۇجىرىمداماسى ازىرلەنەدى

بۇل ءۇشىن ۇكىمەت باسشىسى ءتيىستى ورىندارعا تاپسىرما بەردى.

1 قازانعا دەيىن اۋىلدىق اۋماقتاردى دامىتۋ تۇجىرىمداماسىنىڭ جوباسى ازىرلەنۋى ءتيىس، دەپ حابارلايدى Almaty-akshamy.kz

بۇل تۋرالى ق ر پرەمەر-مينيسترى ءاليحان سمايىلوۆ ۇكىمەت وتىرىسىندا ايتتى. پرەمەر-مينيستر ۇلتتىق ەكونوميكا، يندۋستريا جانە ينفراقۇرىلىمدىق دامۋ، ەڭبەك جانە حالىقتى الەۋمەتتىك قورعاۋ مينيسترلىكتەرىنە مۇددەلى مەملەكەتتىك ورگاندارمەن بىرلەسىپ، ۇلتتىق جوبانىڭ كورسەتكىشتەرى مەن ءىس-شارالارىنىڭ ساپالى ءارى ۋاقتىلى ورىندالۋىن قامتاماسىز ەتۋدى تاپسىردى.

«ەكىنشىدەن، ۇلتتىق ەكونوميكا مينيسترلىگى مۇددەلى مەملەكەتتىك ورگاندارمەن جانە وبلىستاردىڭ اكىمدىكتەرىمەن بىرلەسىپ، 1 قازانعا دەيىن اۋىلدىق اۋماقتاردى دامىتۋ تۇجىرىمداماسىنىڭ جوباسىن ازىرلەسىن. ۇشىنشىدەن، وبلىستاردىڭ اكىمدىكتەرى ۇلتتىق جوبانىڭ ينديكاتورلارىنا سايكەس قونىس اۋدارۋشىلاردى قابىلداۋدى، ورنالاستىرۋدى جانە قولداۋدى قامتاماسىز ەتسىن»، - دەدى ءا.سمايىلوۆ.

ايتا كەتەيىك، ەلىمىزدە وڭىرلەر اراسىنداعى ايىرماشىلىقتى قىسقارتۋ ءۇشىن «قۋاتتى وڭىرلەر – ەل دامۋىنىڭ درايۆەرى» اتتى ۇلتتىق جوبا ىسكە اسىرىلۋدا.