2026 جىلدان باستاپ قازاقستاندا ايلىق ەسەپتىك كورسەتكىش (اەك) مولشەرى 4 325 تەڭگە بولىپ بەكىتىلدى. وسىعان بايلانىستى جول قوزعالىسى ەرەجەسىن (جقە) بۇزعانى ءۇشىن سالىناتىن ايىپپۇلدار دا ءوستى. اqshamnews.kz ءتىلشىسىنىڭ ماتەريالىنان بيىلعى وزگەرىستەردى ءبىلىڭىز.
2026 جىلعى ايىپپۇل مولشەرى: ەڭ ءجيى كەزدەسەتىن قۇقىقبۇزۋشىلىقتار
5 اەك (21 625 تەڭگە) ايىپپۇل سالىناتىن جاعدايلار:
-
جۇرگىزۋشى كۋالىگىنىڭ نەمەسە ساقتاندىرۋ ءپوليسىنىڭ بولماۋى؛
-
جولاۋشىلار مەن جۇكتەردى تاسىمالداۋ تالاپتارىن ساقتاماۋ؛
-
قاۋىپسىزدىك بەلدىگىن تاقپاۋ؛
-
كولىك جۇرگىزۋ كەزىندە تەلەفون پايدالانۋ؛
-
الدىڭعى اينەكتەردى زاڭسىز تونيروۆكالاۋ؛
-
تەحنيكالىق بايقاۋدان وتپەگەن كولىكتى باسقارۋ.
10 اەك (43 250 تەڭگە) ايىپپۇل:
-
مەملەكەتتىك تىركەۋ ءنومىرىنسىز كولىك جۇرگىزۋ؛
-
توقتاۋ نەمەسە تۇراق ەرەجەسىن بۇزۋ؛
-
تىيىم سالىنعان جەردە ارتقا ءجۇرۋ؛
-
باعدارشامنىڭ تىيىم سالاتىن سيگنالىنا ءوتۋ؛
-
تەمىرجول وتكەلىنەن ەرەجە بۇزىپ ءوتۋ.
15 اەك (64 875 تەڭگە) ايىپپۇل:
-
باسىمدىققا يە كولىككە جول بەرمەۋ؛
-
تروتۋارمەن، جاياۋ جۇرگىنشى جولىمەن نەمەسە جول جيەگىمەن ءجۇرۋ؛
-
تەجەگىش جۇيەسى، رۋلدىك باسقارۋى نەمەسە تىركەمەسى اقاۋلى كولىك جۇرگىزۋ؛
-
ارنايى رۇقساتسىز قايتا جابدىقتالعان كولىكتى پايدالانۋ.
20–50 اەك ارالىعىنداعى ايىپپۇلدار:
-
جول قوزعالىسى قاۋىپسىزدىگى ەرەجەسىن بۇزىپ، ماتەريالدىق زالال كەلتىرۋ – 20 اەك (86 500 تگ)؛
-
پوليسيا قىزمەتكەرىنىڭ توقتاۋ تالابىن ورىنداماۋ – 30 اەك (129 750 تگ)؛
-
جالعان نەمەسە قولدان جاسالعان نومىرمەن ءجۇرۋ – 20 اەك (86 500 تگ)؛
-
جول-كولىك وقيعاسى ورنىن تاستاپ كەتۋ – 50 اەك (216 250 تگ).
جىلدامدىقتى اسىرعانى ءۇشىن ايىپپۇل:
-
10–20 كم/ساع – 5 اەك (21 625 تگ)؛
-
20–40 كم/ساع – 10 اەك (43 250 تگ)؛
-
40–60 كم/ساع – 20 اەك (86 500 تگ)؛
-
60 كم/ساع جانە ودان جوعارى – 40 اەك (173 000 تگ).
جول قوزعالىسى ەرەجەسىندەگى ماڭىزدى وزگەرىستەر
2025 جىلدىڭ قاراشا ايىندا جول ەرەجەسىنە ءبىرقاتار وزگەرىستەر ەنگىزىلدى.
مەملەكەتتىك نومىرلەرگە قاتىستى:
-
سۇرانىسى جوعارى نومىرلەردى باسقا وڭىرگە كوشسە دە ساقتاۋعا بولادى؛
-
تاپسىرىلعان نومىرلەر 30 كۇنگە دەيىن عانا ساقتالادى؛
-
ءنومىردى باسقا ادامعا بەرۋگە تىيىم سالىنادى (تەك جاقىن تۋىستارعا رۇقسات).
جۇرگىزۋشى كۋالىگىنە قاتىستى:
-
اسكەري جۇرگىزۋشى كۋالىگى بار ازاماتتار اۆتو-مەكتەپكە بارماي-اق ەمتيحان تاپسىرا الادى؛
-
مەديسينالىق قارسى كورسەتىلىمدەردىڭ بولماۋى تالاپ ەتىلەدى.
قوسىمشا وزگەرىستەر:
-
ەلدى مەكەندەردە جۇك كولىكتەرى ءۇشىن جىلدامدىق 50 كم/ساع بولىپ شەكتەلدى؛
-
جول جۇمىستارى، ءىرى جۇك پەن بالالاردى تاسىمالداۋ كەزىندە سارى نەمەسە قىزعىلت سارى ماياكتاردى ارنايى رۇقساتسىز قولدانۋعا رۇقسات ەتىلدى.
ماماندار جۇرگىزۋشىلەردى جول ەرەجەسىن قاتاڭ ساقتاۋعا شاقىرادى، سەبەبى 2026 جىلى ايىپپۇل مولشەرى ەداۋىر ارتقان.