13 قاڭتاردا شىمكەنت قالاسىنىڭ پوليسيا دەپارتامەنتىنىڭ باسپا ءسوز قىزمەتى شىمكەنت قالاسىندا 21 جاستاعى ستۋدەنت قىزدى ءولتىردى دەگەن كۇدىكتىنىڭ ۇستالعانىن حابارلادى.
2026 جىلعى 11 قاڭتاردا تانىسىنىڭ قولىنان قازا تاپتى. كىسى ولتىرۋگە كۇدىكتى وقيعا ورنىنان قاشىپ كەتكەن ەدى. بۇگىن،
پوليسيا مالىمەتىنشە، كۇدىكتىنى ىزدەۋگە دەپارتامەنتتىڭ بارلىق جەكە قۇرامى جۇمىلدىرىلعان.
"قالاعا كىرىپ-شىعاتىن جولداردا باقىلاۋ كۇشەيتىلىپ، اۋماق تولىق تەكسەرىلدى"، – دەلىنگەن حابارلامادا.
كۇدىكتى شىمكەنتتەن شامامەن 10 شاقىرىم قاشىقتىقتاعى اشىق اۋماقتا انىقتالىپ، ۇستالعان.
"قازىرگى ۋاقىتتا 28 جاستاعى شىمكەنت تۇرعىنى ۋاقىتشا ۇستاۋ يزولياتورىنا قامالدى"، – دەپ حابارلادى پد باسپا ءسوز قىزمەتى.
قىلمىستىڭ سەبەپتەرى مەن ءمان-جايدى تەرگەۋ بارىسىندا انىقتاۋ كوزدەلىپ وتىر.
"اتالعان دەرەك بويىنشا قىلمىستىق ءىس قوزعالدى. ءقازىر جەدەل-تەرگەۋ ءىس-شارالارى جۇرگىزىلۋدە"، – دەلىنگەن رەسمي حابارلامادا.
مارقۇمنىڭ تۋىستارى ادىلدىك تالاپ ەتىپ، قىلمىسكەردىڭ جازاسىز قالماۋىن سۇراپ وتىر.