Qazaqstan atynan 18 sportshy qatysty
Manamada (Bahreın Koróldigi) aýyr atletıkadan Azıa chempıonaty aıaqtaldy. Olympic.kz Qazaqstan quramasynyń nátıjesin jarıalady, dep habarlaıdy Almaty-akshamy.kz.
Jalpy komandalyq esepte bizdiń erler quramasy 658 upaımen birinshi oryn aldy. Ekinshi jáne úshinshi oryndardy Ózbekstan (655 upaı) men Iran (631 upaı) quramalary bólisti.
Áıelder quramasy qurlyq birinshiliginiń «qolasyn» jeńip aldy – 550 upaı. Chempıonattyń úzdik sportshysy bolyp Zýlfıa Chınshanlo tanyldy.
Áıelder arasynda Indonezıa quramasy kósh bastap tur (631 upaı). Ekinshi orynda Qytaı Taıbeıiniń komandasy (580 upaı). Qurlyqtyq birinshilikke barlyǵy 29 elden 186 sportshy qatysty. Qazaqstan atynan 18 sportshy: 8 áıel jáne 10 er adam bar.
Aızada Múptılda (+87 kg) – «altyn»,
Zýlfıa Chınshanlo (55 kg deıin) – «altyn»,
Asyljan Bektaı (89 kg deıin) – «altyn»,
Arlı Chonteı (55 kg deıin) – «kúmis»,
Araı Nurlybekova (76 kg deıin) – «kúmis»,
Aısha Omarova (do 81 kg) – «qola»,
Artem Antropov (do 96 kg) – «qola»,
Lúbov Kovalchýk (+87 kg) – «qola»,
Nurǵısa Ádiletuly (96 kg deıin) – 4 oryn,
Rahat Bekbolat (102 kg deıin) – 4 oryn,
Anatolıı Savelev (67 kg deıin) – 4 oryn,
Beksultan Aıtbaı (73 kg deıin) – 5 oryn,
Renat Baýdarbekov (81 kg deıin) – 5 oryn,
Aıym Esjanova (87 kg deıin) – 5 oryn,
Kırıll Staroverkın (89 kg deıin) – 7 oryn,
Karına Kýzganbaeva (81 kg deıin) – 7 oryn,
Dará Balabaıýk (49 kg deıin) – 8 oryn,
Ótepbergen Álıev (61 kg deıin) – 8 oryn.
Eske salsaq, Zýlfıa Chınshanlo aýyr atletıkadan Azıa chempıony atanǵan edi.