«Taýly aımaqtyń aýasy sekildengen, Aýmaly da tókpeli kúnderim-aı!» – dep Muqaǵalı aıtpaqshy, bári de kóz aldymyzda ózgerýde. Qoǵam basqa, zaman basqa. Keshegi keıbir jańalyqtar búgin eskirýde.
Nurǵa shomylyp, shýaqqa bólenip, shattyq qushaǵynda júrmiz dep ózimizdi qansha sendirsek te, ómirdiń qatań talaptary qurǵaq qıaldyń kúlin kókke ushyrady eken. Sondyqtan da eń aldymen ata-baba amanatyna adaldyqty oılaý – asa jaýapty, aýyr mindet.
Osy rette partıanyń atyn «AMANAT» dep ózgertý kóńilge ábden qonady. Endi bul partıa ult múddesine qıanat jasamaıtyn bolýy kerek.
Ulttyq qundylyqtarymyz, memlekettik tilimiz, jerimiz, dilimiz, qazaqy rýhymyz kózdiń qarashyǵyndaı qorǵalýy kerek. Soǵan qyzmet etedi dep sengimiz keledi.