Qazaqstanda zeınetaqy jınaqtaryn alý erejesine ózgeris engizilýi múmkin.
«Ashyq NQA» portalynda Densaýlyq saqtaý mınıstrligi ázirlegen buıryqtyń jobasy paıda boldy, dep habarlaıdy almaty-akshamy.kz.
Densaýlyq saqtaý mınıstrligi zeınetaqy jınaqtaryn paıdalaný erejelerinen medısınalyq qyzmettiń bir túrin alyp tastaýdy usynǵan.
«2024 jylǵy 10 tamyzdan bastap 2025 jylǵy 1 aqpanǵa deıin Qazaqstan Respýblıkasynyń aýmaǵynda ornalasqan medısınalyq uıymdarda kórsetiletin stomatologıalyq qyzmet kórsetý (tisti protezdeý, ımplantasıalaý) qaǵıdalarynyń 1-qosymshasynyń 2-tarmaǵynyń qoldanysyn toqtata turýdy buıyramyn», delingen habarlamada.
Osylaısha, jańartylǵan buıryq kúshine ense, onda 10 tamyzdan bastap el azamattary atalǵan stomatologıalyq qyzmetterge zeınetaqy jınaqtaryn jumsaı almaıdy.