Eńbek jáne halyqty áleýmettik qorǵaý mınıstri Svetlana Jaqypova zeınetaqy jınaqtaryn paıdalaný úshin belgilenetin jetkilikti shek jóninde aıtty, dep habarlaıdy aqshamnews.kz
Jetkilikti shek týraly naqtyraq málimet alý úshin Jaqypova jýrnalıserge ýákiletti organ men Biryńǵaı jınaqtaýshy zeınetaqy qoryna (BJZQ) júginýdi usyndy. Degenmen, jetkiliktilik shegin tómendetý qajet pe degen suraqqa jaýap berdi.
“Búgingi tańda biz zeınetaqy jınaqtary boıynsha qartaıý kezeńinde laıyqty ómir súrýdi qamtamasyz etýge baǵyttalǵanyn jaqsy túsinip otyrmyz. Jınaqtardy tym erte jasta sheship alý bolashaqta, ıaǵnı tereń qartaıǵan kezde, olardyń qundylyǵynyń tómendeýine alyp kelýi múmkin. Sondyqtan dál qazirgi ýaqytta bul qadamǵa barý oryndy emes shyǵar”, – dedi mınıstr.
2024 jyldyń jeltoqsanynda Biryńǵaı jınaqtaýshy zeınetaqy qory zeınetaqy jınaqtaryn paıdalanýǵa arnalǵan jetkilikti shek ózgermeıtinin jáne 2023 pen 2024 jyldaǵydaı qalatynyn habarlaǵan bolatyn. Ol jas ereksheligine baılanysty 3 mıllıonnan 10 mıllıon teńgege deıin belgilengen.