Turǵyn úı satyp alý
Zeınetaqy qoryndaǵy jınaqtar esebinen depozıtterdi toltyrý múmkindigi paıda bolǵannan keıin 6 saǵat ishinde qazaqstandyqtar 30 mlrd teńge alýǵa ótinim berdi, dep habarlaıdy Almaty-akshamy.kz banktiń jelidegi paraqshasyna silteme jasap.
«enpf-otbasy.kz onlaın-platformasynda - zeınetaqy jınaqtaryn Otbasy bankindegi depozıtke aýdarý múmkindigi paıda bolǵan alǵashqy 6 saǵatyń ishinde qazaqstandyqtar óz depozıtterine 30 mıllıard teńge aýdarǵýǵa ótinim bergen», - delingen bank habarlamasynda.
Ol úshin enpf-otbasy.kz onlaın-platformasyna ESQ kómegimen kirip, «Maqsatty tańdaý» pernesin basyp, «Turǵyn úı satyp alý» bóliminde «Odan ári jınaqtaý úshin turǵyn úı qurylys jınaq salymyn tolyqtyrý» - degen maqsatty tańdaý qajet.
Eske salsaq, 16 jeltoqsannan bastap enpf-otbasy.kz onlaın-platformasynda - «Otbasy bankindegi salymdy tolyqtyrý» batyrmasy paıda boldy.
Sonymen qatar Zeınetaqy jınaǵyn banktegi depozıtke aýdarǵan soń úsh jyl ishinde turǵyn úı zaemyn resimdeý qajet.
2022 jyldyń 1 qańtarynan birjolǵy zeınetaqy tólemin alýdyń jetkiliktilik shegi 1,8 ese kóteriletini málim etilgen bolatyn. Keıin QR Prezıdenti shekti mejeni 2022 jyldyń 1 sáýirine deıin kótermeýdi tapsyrdy.