Búgingi tańda zeınetaqy aktıvteri tórt kompanıanyń senimgerlik basqarýynda.
Bul týraly Qarjy naryǵyn retteý jáne damytý agenttiginen málimdegen, dep habarlaıdy Almaty-akshamy.kz
«Zeınetaqy aktıvterin 4 kompanıa basqarady. Olar «BCC Invest» AQ, «Halyk Global Markets» AQ, «Jusan Invset» AQ jáne «Sentras Sekúrıtız» AQ. 2022 jylǵy 1 sáýirde zeınetaqy aktıvteri ınvestısıalyq portfeliniń quny 8,6 mlrd teńgeni qurady. Zeınetaqy aktıvteri portfeliniń qurylymyna keri REPO mámileleri men aqsha qarajaty (29%), memlekettik baǵaly qaǵazdar, onyń ishinde QR memlekettik baǵaly qaǵazdary, QRUB nottary (25%), PAI-lar (24%), oblıgasıalar (16%), aksıalar men depozıtarlyq qolhattar (5%) kiredi. Valútalar bóliginde zeınetaqy aktıvteri portfeliniń qurylymynda ulttyq valúta basym (71,5%), AQSH dollary zeınetaqy aktıvteri portfeliniń 28,5%-yn quraıdy», - delingen agenttik habarlamasynda.