Jazýshy, qoǵam qaıratkeri, Baýyrjan Momyshulynyń kelini – Zeınep Ahmetova bala tárbıesiniń erekshelikteri týraly dáris oqydy.
Otbasylyq qundylyqtar men estelikterge arnalǵan shyǵarmalar toptamasynyń avtory, óz tájirıbesinen tártip saqshylaryna otbasynda ózara syılastyqty saqtaý jáne balalardy durys tárbıeleý boıynsha keńes berdi, dep habarlaıdy Almaty-akshamy.kz Polisia.kz-ke silteme jasap.
«Biz – ádeptilik, adamgershilik, ınabattylyqta ósken urpaqpyz. Sharanyń basty maqsaty – Qazaqstan polısıasynyń ımıjin kóterý, erjúrektilikti dáripteý, Otanǵa degen súıispenshilik pen patrıottyq rýhty tárbıeleý. Ólsheýsiz ónege kórsetken Zeınep apamyzdy maqtan tutamyz, tamsanamyz. Sizge shyn júrekten alǵys aıtamyz», – dedi Almaty qalalyq polısıa departamenti bastyǵynyń orynbasary Oljas Myrzabekov.