Qorǵanys mınıstriniń orynbasary Taraz qalasynyń emdeý mekemelerin aralady.
Qorǵanys mınıstrligi Jambyl oblysynda zardap shekkenderge kómek kórsetý máselelerin sheship jatyr, dep habarlaıdy Almaty-akshamy.kz Qorǵanys mınıstrliginiń saıtyna silteme jasap.
Qorǵanys mınıstriniń orynbasary general-maıor Muhamedjan Talasov Taraz qalasynyń emdeý mekemelerin aralady. Ol stasıonarda emdelip jatqan adamdardyń hal-jaǵdaıymen tanysty. Qorǵanys mınıstrliginiń jumys toby qaza tapqandardyń otbasylarymen qajetti jumys júrgizýde. Atap aıtqanda olarǵa zańnamada belgilengen tólemder men jeńildikterdi alý tártibi de túsindiriledi. Budan basqa, Muhamedjan Talasov zardap shekkenderdiń eshqaısysy nazardan tys qalmaıtynyn atap ótti.
«Biz tıisti ótemaqylar men járdemaqylardy tóleýge baılanysty máselelerdi múmkindiginshe tezirek sheshý úshin qoldan kelgenniń bárin jasaımyz. Qajet bolǵan jaǵdaıda otbasy múshelerine jumysqa ornalasýǵa kómek kórsetiledi. Sondaı-aq qaza tapqandardyń balalaryna qamqorlyq kórsetemiz. Bul rette olardy Qorǵanys mınıstrliginiń bilim berý oryndaryna oqýǵa qabyldaýǵa járdem kórsetiledi», – dedi Qorǵanys mınıstriniń orynbasary.