Qazaqstanda polıseıler bes kúnde el boıynsha 46 myń kólikti teksergen.
Olar jeke tasymaldaýmen aınalysatyn 1080 sheteldikti anyqtady, olardyń 691-i kóshi-qon zańnamasyn buzǵan, dep habarlaıdy aqshamnews.kz.
Tártip saqshylary «Qaýipsiz jol» operasıasy barysynda júzdegen kóshi-qon erejelerin buzý faktilerin anyqtady.
«234 sheteldik zańsyz jumysqa ornalasqany úshin, 457-si Qazaqstan Respýblıkasynda bolý sharttaryn buzǵany úshin jaýapkershilikke tartyldy. Sot sheshimimen 175 sheteldik taksı júrgizýshisi elden shyǵaryldy, onyń ishinde 103 adam jeke basyn anyqtaý úshin ýaqytsha ustaý ızolátoryna qamaldy», - dep habarlady İİM.
Sheteldikterdi jumysqa zańsyz tartqan 38 qazaqstandyq ákimshilik jaýapkershilikke tartyldy.
Táýligine 15-20 saǵat boıy zańsyz taksı júrgizetin sheteldikter apat qaýpin arttyrady.
Astanada osyndaı bes páter ıesi anyqtaldy. Olarǵa aıyppul salyndy. Mundaı faktiler Almaty, Mańǵystaý jáne Batys Qazaqstan oblystarynda da anyqtaldy.