Deldaldyq jáne mindetti rastaý qyzmetterin jarnamalaýǵa tyıym salynady.
Tehnıkalyq retteý jáne metrologıa komıteti Qazaqstannyń sáıkestikti baǵalaý naryǵynda ınternet-resýrstarda sáıkestik sertıfıkaty men sáıkestik týraly deklarasıalardy jedel alý boıynsha qyzmet kórsetetin konsaltıńtik kompanıalar jumys isteıtinin anyqtady, dep habarlaıdy Almaty-akshamy.kz Inbusiness.kz silteme jasap.
Aıta ketsek, "Sáıkestikti baǵalaý salasyndaǵy akredıtteý týraly" zańǵa sáıkes, sertıfıkattaý jáne synaq jumystaryn tek akkredıttelgen rastaý organdary men synaq zerthanalary júrgizedi.
Sonymen qatar "Jarnama týraly" zańǵa sáıkes, sáıkestikti baǵalaý salasyndaǵy akredıtteý týraly zańnamada belgilengen tártippen akkredıttelmegen uıymdarǵa ónimniń sáıkestigin rastaý salasyndaǵy sáıkestikti, deldaldyq jáne mindetti rastaý qyzmetterin jarnamalaýǵa tyıym salynady.
"Konsaltıń kompanıalarynyń bul ınternet-resýrstary keı jaǵdaılarda naqty synaqsyz sáıkestikti rastaý qujattaryn jedel alýǵa kómektesedi. Sonymen qatar bul kompanıalar Qyrǵyzstanda qujattardyń eń az paketimen jáne qysqa merzimde sáıkestikti rastaıtyn qujat alýdy usynady. Osyǵan baılanysty AQDM-nen óz quzyreti sheginde atalǵan saıttarǵa shara qabyldaýdy suradyq", - dedi Tehnıkalyq retteý jáne metrologıa komıtetiniń tóraǵasy Qýanysh Elikbaev.
Óz kezeginde Aqparat mınıstrligi ınternet-resýrstarǵa monıtorıń júrgizdi. Monıtorıń nátıjesinde QR "Buqaralyq aqparat quraldary týraly", "Jarnama týraly" zańdaryn jáne Ákimshilik quqyqbuzý kodeksin buzý faktileri anyqtalǵan. Osydan soń Qazaqstan aýmaǵynda 22 ınternet-resýrstyń jumysy shekteldi.
Sondaı-aq, onlaın-jarnama platformalarynan zańsyz materıaldardy joıý maqsatynda resýrs ıelerine usynys hat joldandy.