2022 jyly Qazaqstan boıynsha 5 683 ruqsat etilmegen qoqys obektileri anyqtaldy.
Ortalyq komýnıkasıalar qyzmetinde ótken brıfıńide Sıfrlyq damý, ınovasıalar jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov elimizde zańsyz qoqys eń kóp tógiletin 3 iri qalany atady, dep habarlaıdy Almaty-akshamy.kz.
«Qatty turmystyq qaldyqtardyń ǵaryshtyq monıtorıńi 2018 jyldan beri júrgizilip keledi. Monıtorıń 39 iri eldi-meken aýmaǵynda júrgizildi. Osy ýaqyt aralyǵynda 25 mln gektar qamtyldy. Oblystar arasynda úıindilerdiń eń kóp sany Aqmola oblysynda - 830, Qaraǵandy oblysynda - 745, Túrkistan oblysynda – 408. Qalalardyń arasynda eń kóp qoqys oryndary úsh qalada anyqtaldy. Máselen, Astanada - 551, Shymkent qalasynda – 45 jáne Almatyda – 12», - dep málim etti Baýbek Oralmaǵambetov.