Qylmys jasaǵannan keıin kúdikti jasyrynyp, oǵan halyqaralyq izdestirý jarıalandy.
Bas prokýratýranyń málimetinshe, áıel adam qylmys tobynyń quramynda 2023 jyly Almatyda zańsyz oıyn bıznesin uıymdastyryp, osy áreketi úshin asa iri kólemde paıda tapqan degen kúdikke ilingen, dep habarlaıdy aqshamnews.kz
Bas prokýratýra men Qarjy monıtorıńi agenttiginiń qyzmetkerleri Qazaqstan Respýblıkasy Elshiliginiń kómegimen zańsyz oıyn bıznesin uıymdastyrǵany úshin qylmystyq jaýapkershilikke tartylǵan Qazaqstan azamatyn Ázirbaıjannan ekstradısıalady.
Atalǵan tulǵa 2023 jyly Almaty qalasynda adamdar tobynyń aldyn ala sóz baılasýymen zańsyz oıyn bıznesin uıymdastyryp, sol úshin asa iri kólemde paıda tapty degen kúdikke ilingen.
Aǵymdaǵy jyldyń qańtarynda ol Baký qalasynda ustalyp, Qazaqstan Respýblıkasy Bas prokýratýrasynyń suraýy boıynsha otanyna ekstradısıalandy.
Qazirgi ýaqytta kúdikti Almaty qalasynyń tergeý ızolátoryna qamaldy.
Aıyptalǵan qylmysty jasaǵany úshin múlki tárkilenip, tórt jyldan jeti jylǵa deıingi merzimge bas bostandyǵynan aıyrý jazasy qarastyrylǵan.