Almatyda Naýryz meıramyn atap ótý aıasynda aýqymdy chellendj ótti. 20 naýryz kúni saǵat 11:00-de qalanyń segiz aýdanynda myńdaǵan oqýshy respýblıkalyq aksıaǵa qatysyp, dombyrada kúıler oryndady, dep habarlaıdy aqshamnews.kz
Ulttyq kıim kıgen jas mýzykanttar «Adaı», «Balbyraýyn» jáne «Erke sylqym» kúılerin oryndap, qalanyń kóshelerin qazaqtyń kúıimen terbetti. Chellendjdiń basty maqsaty – óskeleń urpaqtyń rýhanı-adamgershilik qundylyqtaryn qalyptastyrý, ulttyq mýzykalyq murany saqtaý jáne nasıhattaý.
Mýzykalyq fleshmob elimizdiń ár qalasyn ulttyq aspaptyń kúmbirimen biriktirip, jas dombyrashylardyń dástúrli mýzykaǵa degen súıispenshiligin kórsetti.
Almaty qalasy Bilim basqarmasy