Mamandar mundaı portaldar avtorlardyń quqyǵyn buzyp, kez kelgen materıaldy ruqsatsyz paıdalanýǵa beıim deıdi.
Onyń ishinde sheteldik saıttar da bar. 2020 jyly osyndaı 24 saıt anyqtalsa, 2021 jyly olardyń sany 40-qa jetken. Endi mundaı saıttarǵa baqylaý men avtorlyq quqyqty qorǵaý kúsheıtiledi, dep habarlaıdy Almaty-akshamy.kz 24.kz-ke silteme jasap.
Senatorlar TMD keńistigindegi kelisimdi ratıfıkasıalaý týraly zańdy maquldady. Depýtattardyń aıtýynsha, qujat quqyqbuzýshylyqqa tosqaýyl bolyp, sala jumysyn ońtaılandyrady. Sondaı-aq kórshi memlekettermen saýda-ekonomıkalyq jáne mádenı baılanysty keńeıtýge oń yqpalyn tıgizedi.
«Avtorlardyń shyǵarmashylyǵyn paıdalanyp, qarajat tabý kózdelse, osy baǵytta ǵana zańbuzýshylyq oryndalady. Al jeke ózińizdiń qoldanýyńyzǵa júktep paıdalansańyz, bul quqyqbuzýshylyqqa jatpaıdy. Saıttarda avtorlyq quqyqtardyń buzylýy oryn alǵan. Avtorlyq quqyq buzylǵan shyǵarmany alyp tastaý, eger oǵan kelispese, ony buǵattaıdy», - deıdi QR Parlamenti Senatynyń depýtaty Amangeldi Tolamısov.