Tanymal zańger Aıgúl Orynbek Darıǵa Badyqovanyń burynǵy kúıeýine aryz túsirdi, - dep habarlaıdy Aqshamnews.kz tilshisi.
Bul týraly ol áleýmettik jelidegi paraqshasynda bólisti.
Ol jeke adamnyń ómirine qatysty aqparatty jarıalaýdyń tek ádepsizdik emes, qylmystyq jaýapkershilikke ákeletin áreket ekenin eskertti.
"Zańdy bilmeý jaýapkershilikten bosatpaıdy. Otbasylyq qupıany buzý - bul jaı ǵana ádepsizdik emes, zań aldynda naqty qylmystyq jaýapkershilikke ákeletin áreket. Kúıeýi muny bilmeýi múmkin, biraq jýrnalıserdiń zańnan beıhabar bolýy múmkin emes", - dedi Aıgúl Orynbek.
Zańgerdiń aıtýynsha, bala asyrap alý - jeke jáne otbasylyq ómirge qatysty qupıa aqparat, ony jarıalaý QR Qylmystyq kodeksiniń 146 jáne 147-baptaryna sáıkes jazalanatyn áreket.
146-bap - Bala asyrap alý qupıasyn jarıa etý,
147-bap - Jeke ómirge qol suǵylmaýshylyqty buzý dep kórsetilgen.
"Men Darıǵany kóp jyldan beri jaqsy tanımyn. Ajyrasý kezeńinde qandaı qıyndyqtardan ótkenin de bilemin. Sondyqtan onyń zańdy múddesin qorǵaýshy ókili retinde, Jylqyshybaı men Darhannyń áreketine qatysty qylmystyq is qozǵaý týraly aryzdy Almaty qalasynyń İshki ister departamentine resmı túrde joldaımyn", - dep málimdedi zańger.
Aıgúl Orynbek bul oqıǵany tek jeke tulǵanyń ar-namysy men bedeline qatysty másele emes, qoǵamdaǵy jýrnalısik etıka men zań ústemdigine qatysty jaǵdaı dep baǵalady.
"Barlyq BAQ medıa zańnamasyn qatań saqtaýǵa, jeke tulǵalardyń jeke ómirine qol suqpaýǵa shaqyramyn. Jýrnalıs - eń aldymen qoǵam aldyndaǵy jaýapkershilikti sezinetin adam. Sondyqtan reıtıń úshin bireýdiń taǵdyryn talqyǵa salý kásibı abyroıǵa kóleńke túsiredi", - dedi ol.
Zańgerdiń aıtýynsha, mundaı jaǵdaılar qoǵamdaǵy jeke ómirge qurmet pen kásibı etıkanyń qanshalyq mańyzdy ekenin eske salady. Aqparat taratqanda adam taǵdyry men zań talaptaryn eskermeý jýrnalısıka mısıasyna qaıshy.