Sportshy tórtinshi tıtýlyna qol jetkizdi.
Qazaqstandyq Zańǵar Nurlanuly Fransıadaǵy 14 jasqa deıingiler arasynda birinshi sanatty Tennis Europe týrnıriniń chempıony atandy, dep habarlaıdy Almaty-akshamy.kz QazAqparatqa silteme jasap.
Qazaqstan tenıs federasıasy málim etkenindeı, Zańǵar fınalda fransıalyq Tımeo Trýfellımen bas júldeni sarapqa saldy.
Birinshi partıada kort ıesi basymdylyq tanytty - 7:5. Degenmen ekinshi sette Zańǵar oıyn tizginin óz qolyna ala bildi - 6:1.
Úshinshi, sheshýshi partıada da Z.Nurlanuly qarsylasyna des bergen joq - 6:1.
Fınalǵa deıingi jolda qazaqstandyq tenısshi Aýstrıa, Reseı jáne Fransıa elderiniń myqty oıynshylaryn qapy qaldyrdy.
Osylaısha ol Tennis Europe serıasy boıynsha ótken týrnırlerde tórtinshi tıtýlyna qol jetkizdi.