Aqtóbe, Atyraý, Pavlodar jáne ózge de óńirlerde jasóspirimder arasyndaǵy qylmystyń artýy alańdatyp otyr. Bul — qoǵamǵa ortaq qaýip. Osyǵan baılanysty profılaktıkalyq sharalardy kúsheıtýdi, sondaı-aq antıbýllıng baǵdarlamalarynyń tıimdiligin jan-jaqty zerdeleýdi tapsyrdym.
Qoǵamdyq oryndardaǵy qaýipsizdik – ár azamattyń quqyǵy. Sondyqtan qaýipti ýchaskelerdi beınebaqylaý kameralarymen jáne jaryqpen jabdyqtaý, patrúldeýdi kúsheıtý – kún tártibindegi másele.
Adamdar sóz júzinde emes, is júzinde qorǵalǵanyn sezinýi tıis.
Ókinishke qaraı, jol-kólik oqıǵalary boıynsha jaǵdaı ýshyǵyp barady. Bir jyldyń ishinde:
▪️ Apattar sany +67%
▪️ Jaraqat alǵandar +79%
Atyraý, Qostanaı, Aqtóbe jáne Jetisý oblystarynda ahýal kúrdeli. Apattardyń 72%-y trassalarda oryn alady. Osyǵan baılanysty:
-
Júrgizýshilerdiń eńbek tártibin baqylaý
-
Bala tasymaldaý erejeleriniń saqtalýyn qadaǵalaý
tapsyryldy.
Halyqaralyq sarapshylardyń qatysýymen Talǵar men Rýdnyı qalalarynda qaýipsizdik máselelerine arnalǵan pılottyq joba iske qosylady.
Sonymen qatar: ▪️ Óńirlerdiń krımınologıalyq pasporttaryn ázirleý
▪️ Mektepterde zań mádenıetin ilgeriletý – ýákiletti organdarmen birlesip júrgiziletin bolady.
Qoǵamdyq tártip pen qaýipsizdik – barshamyzǵa ortaq jaýapkershilik. Bul baǵyttaǵy jumys júıeli jalǵasady.