Qalamyzdaǵy «Týrızm jáne qonaqjaılylyq ındýstrıasy» koleji – elimizdegi týrızm jáne qoǵamdyq tamaqtaný salasynda bedeldi uıymdarmen tyǵyz baılanys ornatqan oqý orny. Kolejdiń áleýmettik seriktesteri qatarynda:
· Qazaqstandyq qonaqúıler men meıramhanalar qaýymdastyǵy (QQjMQ),
· Qazaqstan týrısik agenttikter qaýymdastyǵy (QTA),
· Qazaqstan taǵam kásiporyndary odaǵy,
· «Qumbel» mádenı-áleýmettik jáne bilim berýdi damytýdyń qazaqstandyq qory jáne basqa da mekemeler bar.
Kolejdiń basty maqsaty – eńbek naryǵynyń suranysyna saı bilikti mamandar daıarlaý. Osy maqsatta oqý-tájirıbelik sheberhanalar zamanaýı ınovasıalyq jabdyqtarmen tolyq jabdyqtalǵan. Bul stýdentterdiń kásibı daǵdylardy meńgerip, jumysqa ornalasý múmkindigin arttyrady.
Búginde kolej Almaty qalasyndaǵy jetekshi kásiporyndarmen 300-den astam kelisimshart jasasyp, stýdentterge kásibı tájirıbeden ótýge múmkindik berip otyr.
2022 jyldan bastap kolejde «Jas maman» jobasy aıasynda «Qonaqjaılylyq ındýstrıasy» quzyrettilik ortalyǵy jumys isteı bastady. Bul ortalyq:
· kásibı quzyrettilikti arttyrýǵa,
· jańa tehnologıalyq sheshimderdi meńgerýge,
· zamanaýı daǵdylardy damytýǵa baǵyttalǵan.
Sondaı-aq ortalyq bazasynda kásibı baıqaýlar men halyqaralyq chempıonattarǵa daıyndyq júrgiziletin oqý-jattyǵý lagerleri jumys isteıdi.