Búgin Ystanbulda Túrki memleketteri uıymyna múshe elderdiń aqparat jáne BAQ-qa jaýapty mınıstrleri men joǵary laýazymdy tulǵalarynyń tórtinshi otyrysy ótedi. Bul týraly Almaty-akshamy.kz habarlaıdy Inform.kz-ke silteme jasap.
Sharany Túrkıa prezıdenti ákimshiliginiń baılanys bólimi uıymdastyryp otyr. Maqsat – túrki memleketteri arasynda BAQ jáne komýnıkasıa salasyndaǵy yntymaqtastyqty damytý. Kún tártibinde atalǵan salalardaǵy birlesken zertteýler men jobalar qaralmaq. Túrkıa prezıdenti Rejep Taıyp Erdoǵan jıyn qatysýshylaryna beıneúndeý joldaıdy dep josparlanǵan. Kezdesýge Túrki memleketteri uıymynyń Bas hatshysy Baǵdad Ámireev, Túrkıa prezıdenti ákimshiligi baılanys keńsesiniń meńgerýshisi Fahrettın Altýn, Ázerbaıjan prezıdentiniń kómekshisi Hıkmet Gadjıev qatysady. Sonymen qatar, otyrysqa QR Aqparat jáne qoǵamdyq damý mınıstri Asqar Omarov, Vengrıa Syrtqy ister jáne saýda mınıstrliginiń qaýipsizdik saıasaty jónindegi memlekettik hatshysy Peter Shtaraı, Ózbekstan prezıdenti ákimshiligi janyndaǵy Aqparat jáne buqaralyq komýnıkasıalar agenttiginiń dırektory Asadjon Hodjaev, Qyrǵyzstan Mádenıet, aqparat, sport jáne jastar saıasaty mınıstrligi janyndaǵy Aqparat jáne buqaralyq komýnıkasıalar departamentiniń dırektory Salqyn Sarnogoeva, Túrikmenstannyń Ankaradaǵy elshisi Ishankýlı Amanlyev qatysady.
İs-sharaǵa resmı delegasıalardan bólek, túrki áleminiń BAQ jáne komýnıkasıa ınstıtýttarynyń basshylary, sarapshylar, óner qaıratkerleri, ǵalymdar men komýnıkasıa fakúltetteriniń stýdentteri de qatysady. Qatysýshylar sıfrlyq tehnologıamen jabdyqtalǵan stendter men foıede Túrki memleketteri uıymyna qatysýshy jáne baqylaýshy elderdiń buqaralyq aqparat quraldary men baılanys mekemeleriniń qyzmeti týraly aqparat ala alady.
Eske salsaq, Ortalyq Azıa elderinde qazaqstandyq JOO fılıaldary ashylýy múmkin.