Túrkıada «Qandastar» kóptomdyq týyndysy jaryq kórdi
Jýrnalıs Gúlnaz Kárimjannyń eńbegi taǵdyrdyń aıdaýymen álemniń ár qıyryna shashyraǵan qazaq halqynyń júrip ótken joly men búgingi tynys-tirshiligi týraly baıandaıdy, dep habarlaıdy Almaty-akshamy.kz
Atamekendegi aıtýly kúnderdi qalt jibermeıtin sheteldegi qandastarymyz Táýelsizdiktiń 30 jyldyǵyn saralap, aq tilekterimen bólisti. Jınaqtyń alǵashqy bólimi Túrkıada turatyn qandastarymyzǵa arnalǵan.
«Bul kitaptyń máni erekshe, men bir tarıhshy retinde aıtaıyn. Sóz aıtylyp ketedi, jazý qalady. «Jaqsynyń aty, ǵalymnyń haty ólmeıdi» deıdi. «Hat» degen sóz kitap degenimiz. Bul kitap keleshek urpaqqa Túrkıa qazaqtarynyń mádenıetin, ómir-tirshiligin tanystyrady. Kitap oqyǵan kisige dúnıejúzindegi qazaqtyń mádenıeti ortaq ekenin, qaıǵysy, qýanyshy, muńy, maqsat-múddesi ortaq ekenin áıgilep otyr. Sonysymen de erekshe qunǵa ıe dep oılaımyn», - Mımar Sınan ýnıversıtetiniń profesory, tarıhshy Ábdiýaqap Qara.