Almaty qalasyndaǵy Almaty oblystyq ortalyq ámbebap kitaphanasynda jazýshy Yrysbek Dábeıdiń «Tumandy qarasha. Aı sonatasy» atty jańa kitabynyń tusaýkeser keshi ótti. Bul týraly Aqshamnews.kz saıty habarlaıdy.
Ádebı keshke belgili qalamgerler, jas jazýshylar, BAQ ókilderi jáne ádebıetsúıer qaýym qatysty. Jańa jınaqqa avtordyń sońǵy jyldary jazǵan áńgimeleri men «Tumandy qarasha. Aı sonatasy» hıkaıaty engen. Bul shyǵarmalar buǵan deıin oqyrmandardyń joǵary baǵasyna ıe bolyp, respýblıkalyq jáne halyqaralyq ádebı báıgelerde júldeli oryndarǵa ıe bolǵan.
Kesh barysynda QR Jazýshylar odaǵynyń múshesi, "Aqjelken" jýrnalynyń bas redaktory aqyn Eseı Jeńisuly, Memlekettik «Daryn» jastar syılyǵynyń laýreaty aqyn Aqberen Elgezek, "Ana tili" gazetiniń bas redaktory aqyn Erlan Júnis, sondaı-aq Almaty oblystyq ortalyq ámbebap kitaphanasynyń dırektory Ǵalıa Slambaıqyzy men kitaptyń redaktory Sanjar Bekjan týyndynyń tusaýyn kesip, jazýshynyń shyǵarmashylyǵyna joǵary baǵa berdi.
Aıta keteıik, «Tumandy qarasha. Aı sonatasy» jınaǵy «Steppe & World Publishing» baspasynan jaryq kórdi. Bul baspa zamanaýı qazaq ádebıetiniń damýyna zor úles qosyp kele jatqan beldi baspalardyń biri.
Yrysbek Dábeıdiń bul jańa kitaby qazirgi qazaq ádebıetindegi mańyzdy týyndylardyń biri bolaryna senim mol.