2024 jylǵy 16 qyrkúıekte Qazaqstan Respýblıkasynyń Ekologıa jáne tabıǵı resýrstar mınıstrligi Germanıa Federatıvtik kansleri Olaf Sholstiń Qazaqstanǵa resmı sapary aıasynda Qazaqstan Respýblıkasynyń Sıfrlyq damý, ınovasıalar jáne aeroǵaryshtyq ónerkásip mınıstrligimen jáne «SIEMENS» JSHS-men ekologıalyq salany sıfrlandyrý baǵytynda yntymaqtastyq týraly Memorandýmǵa qol qoıdy, dep habarlaıdy aqshamnews.kz.
Memorandým ekologıalyq táýekelderdi taldaý jáne basqarý úshin ozyq tehnologıalardy qoldanýdy qarastyrady. Qazaqstanda ınovasıalyq júıeler engiziletin bolady, bul qorshaǵan ortanyń jaǵdaıyn baqylaý sapasyn aıtarlyqtaı jaqsartýǵa múmkindik beredi. Sondaı-aq, avtomattandyrylǵan monıtorıń júıeleri salasynda elder arasynda tájirıbe almasý júrgiziledi, bul ekologıalyq ózgeristerdi dál baǵalaý jáne boljaýǵa kómektesedi. Bul qadamdar Qazaqstan azamattary úshin taza jáne densaýlyqty qorǵaıtyn qorshaǵan ortany qurýǵa baǵyttalǵan jáne ekologıalyq táýekelderdi basqarýǵa oń áserin tıgizedi.