World Boxing Azıada bokstyń damýy men nasıhattalýyn baqylaý maqsatynda jańa Azıa boks konfederasıasynyń resmı túrde qurylǵanyn jarıalady, dep habarlaıdy aqshamnews.kz
Halyqaralyq boks qaýymdastyǵynan (IBA) Azıa boks konfederasıasynyń (ASBC) táýelsizdigin qamtamasyz etý máselesine baılanysty prezıdenttik qyzmetinen ketken Pıchaı Chýnhavadzıra jańa uıymnyń qurylýyna jáne onyń bolashaqtaǵy jumysyna tolyq qoldaý bildiretinin aıtty.
World Boxing Olımpıadalyq komısıasynyń tóraǵasy Gennadıı Golovkın jańa konfederasıanyń qurylýy Azıa boksynyń álemdik arenada erekshe oryn alatyndyǵyn jáne bul qadam sporttyń damýyna jańa serpin beretinin erekshe atap ótti:
«Mundaı jańashyl qurylymdy qurýǵa qatysý – úlken mártebe. Búginde Azıa boksy álemdik arenada erekshe ról atqarady. Jańa konfederasıa bizdiń aımaqtyń alatyn ornyn odan ári bekitip, osy sport túriniń damýyna jańa serpin beredi», – dedi ol.
Jańa Azıa konfederasıasynyń qurylýy qurlyqtaǵy boks salasynyń damýyna jol ashady. Uıym táýelsizdik, ádilettilik jáne sportshylardy qoldaý qaǵıdattaryn basshylyqqa ala otyryp, barlyq múddeli taraptardy ortaq maqsatqa biriktiredi.
Bul qadam Azıa boksynyń halyqaralyq deńgeıde odan ári kúshti oryn alýy men Azıa elderindegi jas boksshylardyń damýynda jańa múmkindikter týǵyzatynyna senim beredi.