Birneshe aıdan keıin bul fýnksıalar barlyq paıdalanýshylarǵa qoljetimdi bolady.
3 qarashadan bastap WhatsApp «Qaýymdastyq» qyzmetin, kóp adamǵa birdeı beıneqońyraý shalý, chattarda saýalnamalar men úlken toptar qurý múmkindigin iske qosa bastady, dep habarlaıdy Almaty-akshamy.kz
Ázirleýshilerdiń sózinshe, birneshe aıdan keıin bul fýnksıalar barlyq paıdalanýshylarǵa qoljetimdi bolady.
Olardyń pikirinshe, qaýymdastyq (mysaly, aýdan turǵyndary, mektep oqýshylarynyń ata-analary, jumystaǵy áriptester) músheleri endi WhatsApp-ta toptyq hat almasýǵa múmkindik beretin kóptegen topty birden biriktire alady.
Bul múmkindikti paıdalaný úshin «Jańa qaýymdastyq» qosymsha paraǵyn ashý kerek. Ol Android júıesinde chat tiziminiń ústinde nemese iOS júıesinde onyń astynda ornalasqan.
Munda siz jańa qaýymdastyq jasaı alasyz nemese qaýymdastyqqa bar toptardy qosa alasyz.
Qaýymdastyqtyń múshesi bola otyryp, qajetti aqparatty izdeý úshin ondaǵy toptar arasynda ońaı aýysa alasyz jáne ákimshiler mańyzdy jańalyqtardy osy qaýymdastyqtyń barlyq múshesine jibere alady.
Taǵy úsh fýnksıa iske qosylady:
chatta saýalnamalar jasaý;
32 adamǵa deıin beıneqońyraý shalý;
1024 paıdalanýshyǵa deıin toptar qurý.
Bul múmkindikterdiń barlyǵyn kez kelgen topta qoldanýǵa bolady (emodzı reaksıalary, úlken faıldardy ortaq paıdalaný jáne ákimshi joıý sıaqty), biraq ásirese qaýymdastyqtar úshin paıdaly.