Osy ýaqytta kelissózder júrgiziletin oryn men onyń ýaqyty kelisilip jatyr
Ýkraına Prezıdenti Vladımır Zelenskıı, Reseı basshysy Vladımır Pýtınniń usynysyna kelisimin berdi jáne ol atysty toqtatý men beıbtshilik týraly kelissióz júrgizýge daıyn, dep habarlaıdy Almaty-akshamy.kz QazAqparatqa silteme jasap.
Ýkraına Prezıdentiniń baspasóz hatshysy Sergeı Nıkıforovtyń aıtýynsha, qazirgi tańda kelissózder ótetin oryn men onyń ýaqyty belgilenip jatyr, dep habarlady reseılik TASS agenttigi.
«Ýkraına kelissózder júrgizýden bas tartty degen uǵymdy joqqa shyǵarý kerek bolyp tur. Ýkraına álemde atysty toqtatý men beıitshilik týraly sóılesýge daıyn ekendigin málimdep kelgen, áli de solaı bolyp qala bermek. Bul bizdiń turaqty ustanymymyz. Biz RF Prezıdentiniń usynysyna kelistik»,-dep jazdy Sergeı Nıkıforov juma kúni óziniń Facebook paraqshasynda.
«Osy ýaqytta kelissózder júrgiziletin oryn men onyń ýaqyty kelisilip jatyr»,-dep jazdy ol.
«Kelissózder neǵurlym erte bastalsa, qalypty ómirge soǵurlym erte oralamyz»
Osyǵan deıin Reseı Prezıdentiniń baspasóz hatshysy Dmıtrıı Peskov Vladımır Pýtınniń Ýkraınamen kelissózder júrgizý úshin Mınskige Reseı delegasıasyn jiberýge daıyn ekenin málim etken bolatyn.
Keshirek Peskov Ýkraına tarapynyń kelissózderdi Belarýs astanasynda júrgizý týraly usynysqa ony Varshavada ótkizý týraly aıtyp, keıin baılanysty úzgendigin aıtty.
Reseı Prezıdenti Vladımır Pýtın 24 aqpanda Donbass memleketteri kómek suraǵan soń Ýkraınada arnaıy áskerı operasıa júrgizetinin jarıalaǵan bolatyn.
Ol Ýkraına aýmaqtaryn okýpasıalaý Máskeýdiń josparyna kirmeıtinin, operasıa júrgizýdegi maqsat eldi demılıtarızasıalaý ekenin eskertti.
RF Qorǵanys mınıstrliginiń habarlaýynsha, ásker qalalarǵa soqqy jasamaıdy, olar tek Ýkraınanyń áskerı ınfraqurylymyn isten shyǵarýdy kózdep otyr. Sondyqtan beıbit turǵyndarǵa qaýip tónip turǵan joq.