Búgingi kelissózder barysynda ekijaqty ózara qatynastardy tereńdetý perspektıvalary qaraldy. Bul týraly Qazaqstan basshysy Qasym-Jomart Toqaevpen kelissózderden keıingi birlesken málimdemede RF Prezıdenti Vladımır Pýtın aıtty, dep habarlaıdy almaty-akshamy.kz QazAqparatqa silteme jasap.
V. Pýtın Qazaqstan-Reseı yntymaqtastyǵy aldaǵy ýaqytta da keńeıe túsetinin, ol úshin barlyq obektıvti jaǵdaı bar ekenin aıtty.
«Qazirgi baılanystar jáne ekijaqty ózara is-qımyldy ary qaraı tereńdetý perspektıvalary búgingi kelissózder barysynda qaralǵan basty taqyryp boldy», - dedi RF basshysy.
Sonymen qatar ol búgingi kelissizder kezinde Qazaqstan Prezıdentin basty qonaqtardyń biri retinde maýsym aıynda ótetin Peterbor halyqaralyq ekonomıkalyq forýmyna qatysýǵa shaqyrǵanyn jetkizdi.
«Qazaqstan basshysy bizdiń shaqyrtýdy qabyl aldy dep úmittenemiz, sondaı-aq Sankt-Peterbordaǵy forýmǵa Qazaqstannyń saıasatkerlerinen, bıznesmenderinen jáne qoǵam qaıratkerlerinen quralǵan aýqymdy delegasıany kútemiz», - dedi Vladımır Pýtın.