«Amanat» qoǵamdyq komısıasy 2022 jyly qańtarda bolǵan oqıǵalarǵa baılanysty negizsiz qýdalanǵan azamattardyń quqyqtary men bostandyqtaryn qorǵaý úshin quryldy.
Búgin Premer-Mınıstrdiń orynbasary Eraly Toǵjanov «Amanat» táýelsiz komısıasynyń ókilderimen kezdesti, dep habarlaıdy Almaty-akshamy.kz Rrimeminister.kz saıtyna silteme jasap.
Kezdesý kezinde quqyq qorǵaýshylar komısıa qyzmetiniń baǵyttary týraly áńgime qozǵady. «Amanat» komısıasynyń ókilderi qańtarda bolǵan oqıǵalardy tergeýdiń obektıvtiligi men ashyqtyǵyn qamtamasyz etýdiń mańyzdylyǵyn atap ótip, memlekettik organdardyń jumysyn uıymdastyrý boıynsha birqatar usynys bildirdi.
Vıse-premer memlekettik organdarǵa qoǵamdyq komısıanyń árbir usynysyn muqıat pysyqtap, máselelerdi zańnamada belgilengen tártippen sheshýdi, sondaı-aq komısıa qyzmetine qajetti kómekti kórsetýdi tapsyrdy.
Aıta keteıik, «Amanat» qoǵamdyq komısıasy 2022 jyly qańtarda bolǵan oqıǵalarǵa baılanysty negizsiz qýdalanǵan azamattardyń quqyqtary men bostandyqtaryn qorǵaý úshin quryldy. Negizgi maqsaty - beıbit narazylyqtarǵa qatysqany úshin tergeýde bolǵan, biraq qylmystyq nıeti bolmaǵan, sondaı-aq qylmystarǵa qatysy joq adamdardy qylmystyq qýdalaýdan bosatý.
Komısıa quramy segiz adamnan turady, onyń ishinde tórt kásibı zańger, bir Májilis depýtaty, Ulttyq qoǵamdyq senim keńesiniń bir múshesi bar jáne Bas prokýratýra men İshki ister mınıstrliginen bir-bir ókilden qosyldy.