Eńbek jáne halyqty áleýmettik qorǵaý vıse-mınıstri Asqarbek Ertaev otbasynyń bir aılyq shyǵyndaryn jarıalady, dep habarlaıdy aqshamnews.kz
Qazaqstanda ortasha aılyqtyń kólemi 400 myńnan asady. Vıse-mınıstrdiń aıtýynsha, dál osy aqsha bir adamnyń tamaǵyna jáne taǵy qajetti shyǵyndaryna jetýi kerek.
"Meniń otbasym alty adamnan turady. Tórt balam bar, ekeýi erjetti. Olar jumys isteıdi. Ekeýi meniń asyraýymda. Jubaıym jumys istemeıdi. Sebebi kishi ulym áli balabaqshaǵa baryp júr. Bárimizge bir aıda 500-600 myń teńge ketedi. Sonyń ishinde azyq-túlik, balabaqsha men úıirme shyǵyndary bar. Qyzym úıirmege baryp júr", - dedi Ertaev senatta ótken brıfıńte.
Vıse-mınıstr óz jalaqysyn aıtqan joq. Sebebi "ondaı aqparatqa ashyq jarıalaý jaǵynan shekteý bar".
Aıta keteri, Qazaqstanda ortasha jalaqy 2028 jylǵa qaraı 605 000 teńgege deıin ósedi.