Bıylǵy saıası maýsym birqatar strategıalyq kadrlyq aýyssymmen bastaldy. Kim ketti? Kim qaldy? Aqorda ne deıdi? Tolyǵyraq aqshamnews.kz materıalynda.
Prezıdent jarlyǵymen birqatar mańyzdy taǵaıyndaýlar jasaldy:
- Oqý-aǵartý mınıstri bolyp 42 jastaǵy Juldyz Súleımenova keldi (buryn Májilis depýtaty),
- Jasandy ıntellekt jáne sıfrlyq damý mınıstrligin Jaslan Mádıev basqardy (vıse-premer qyzmetin qatar atqarady),
- Syrtqy ister mınıstri bolyp Ermek Kósherbaev taǵaıyndaldy.
Qyzmetinen ketkender qatarynda:
- Murat Nurtileý;
- Tamara Dúısenova;
- Ernar Baspaev;
- Kúnsulý Zakarıa;
- Qanat Sharlapaev.
Aqorda ne deıdi?
Prezıdenttiń kómekshisi - baspasóz hatshysy Rýslan Jeldibaı kadrlyq ózgeristerdi túsindirdi.
Keıingi kadrlyq ózgeristerge baılanysty BAQ ókilderinen kóptegen saýal túsken. Onyń aıtýynsha, bul - ádettegi kadrlyq rotasıa. Negizgi maqsat - memlekettik júıedegi eń mańyzdy baǵyttardyń tıimdiligin kúsheıtý.
"Memleket basshysy jýyrdaǵy Joldaýynda ulttyq ekonomıkaǵa túsetin ınvestısıa kólemin arttyrýdy basym mindettiń biri retinde belgiledi.
Bul mańyzdy sala tájirıbeli dıplomat Murat Nurtileýge júkteldi. Prezıdenttiń kómekshisi retinde ol halyqaralyq ınvestısıalyq jáne saýda yntymaqtastyǵyn ilgeriletý maqsatynda shet memleketterdiń joǵary deńgeıdegi ókilderimen, sondaı-aq álemdik iri kompanıalardyń jetekshilerimen baılanysty damytady.
Memleket basshysynyń Jarlyǵymen Jaslan Mádıev premer-mınıstrdiń orynbasary - Jasandy ıntellekt jáne sıfrlyq damý mınıstri bolyp taǵaıyndaldy. Vedomstvo basshysy Joldaýda aıtylǵan Qazaqstandy sıfrlyq memleketke aınaldyrý jónindegi maqsatty iske asyrýmen shuǵyldanady. Prezıdent mınıstrge strategıalyq mańyzy zor jumysty atqarýǵa qatysty baǵyt-baǵdar berdi.
Sonymen qatar premer-mınıstrdiń kelisimi boıynsha Májilis depýtaty Juldyz Súleımenovany oqý-aǵartý mınıstri laýazymyna taǵaıyndaý týraly sheshim qabyldandy. Jańa mınıstr qoǵamdaǵy belsendi qyzmetimen jáne bilim berý salasyndaǵy mol tájirıbesimen belgili", - dep túsindirdi Rýslan Jeldibaı.
Almatyda ákim Darhan Satybaldy jańa orynbasarlar taǵaıyndady:
- Nurlan Ábdirahym;
- Almasqan Smatlaev.