QR Densaýlyq saqtaý mınıstrliginiń standarttary bekitildi.
QR Densaýlyq saqtaý mınıstrligi «Qazaqstan Respýblıkasynda gastroenterologıalyq jáne gepatologıalyq kómek kórsetýdi uıymdastyrý standartyn bekitý týraly» standartty ázirlep, bekitti, dep habarlaıdy Almaty-akshamy.kz.
Densaýlyq saqtaý mınıstrliginiń málimdeýinshe, standartta sozylmaly vırýstyq gepatıttermen (SVG) jáne asqazan-ishek joldarynyń basqa da aýrýlarymen aýyratyn pasıentterge medısınalyq kómek kórsetý tártibi kózdelgen.
Sonymen qatar, qujatta QR turǵyndaryna gastroenterologıalyq jáne gepatologıalyq kómek kórsetý deńgeıleri (medısınalyq-sanıtarıalyq alǵashqy kómek kórsetý uıymdary, gastroenterologtyń mamandandyrylǵan kabıneti, gepatologıalyq ortalyq, kóp beıindi aýrýhanalar qurylymyndaǵy gastroenterologıalyq bólimsheler/tósekter) qurylymdalǵan.
SVG-ǵa zerttep-qaraý júrgizýdiń algorıtmi men merzimderi (PTR, fıbroskan, gastroenterolog / ınfeksıonıst dárigerdiń konsýltasıasy jáne t.b.) egjeı-tegjeıli jazylǵan.
SGV bar pasıentterdi vırýsqa qarsy terapıamen (VQT) qamtýdy jaqsartý maqsatynda beıindi mamannyń (gastroenterolog nemese ınfeksıonıst) MSAK deńgeıindegi konsýltasıalyq qorytyndysy negizinde gepatologıalyq ortalyqqa barmaı-aq «S» (F0-F2) vırýstyq gepatıti fıbrozynyń jeńil satylarynda vırýsqa qarsy terapıany taǵaıyndaý sqemasy jeńildetildi.
Sheteldik tájirıbeni eskere otyryp, «bir tereze» qaǵıdaty boıynsha olarda ilespe SVG anyqtalǵan kezde AITV ınfeksıasymen ómir súretin adamdardyń JITS ortalyqtarynda vırýsqa qarsy terapıa alý múmkindigi týraly norma engizildi. Olar sondaı-aq turǵylyqty jeri boıynsha MSAK uıymynda vırýsqa qarsy terapıa ala alady.