Qazaqstandyq álpınıser Tán-SHan taýyndaǵy bıiktigi 5250 metr bolatyn Vernyı shyńyn baǵyndyrdy.
Osylaısha, álpınızm sporty boıynsha álem chempıony atandy. Atletterdiń asa qaýipti quzǵa órmeleýi jóninde derekti fılm túsirilip, onyń kórsetilimi ótti, dep habarlaıdy Almaty-akshamy.kz Qazaqstan.tv saıtyna silteme jasap.
Kınokartınany tamashalaýǵa «Everest» shyńyn baǵyndyrǵan alǵashqy qazaqstandyq álpınıs Qazbek Ýálıev qatysty. Ol stýdenttik álpınızmniń búgini men bolashaǵy jóninde áńgimeledi. Aıta keteıik, «Vernyı» shyńyna sońǵy otyz jylda adamzat balasynyń aıaǵy tımegen. "Óıtkeni, onda taý bederi birkelki emes. Qaýiptiligi joǵary", - deıdi mamandar.
«Búginde Qazaqstanda álpınızm sportynyń deńgeıi birshama kóterildi. Máselen, eldegi jetekshi joǵary oqý ornynyń birinde álpınızm boıynsha seksıa ashyldy. Jalpy, Almaty taýly aımaq bolǵasyn, tájirıbesiz, daıyndyqsyz óz betimen taýǵa shyǵatyndar kóp. Keıin qaıǵyly jaǵdaılarǵa tap bolyp jatady. Bul máselege kóbirek kóńil bólý kerek», - deıdi QR Álpınızm jáne sporttyq taýǵa órmeleý federasıasynyń jobalyq keńse jetekshisi Gúlzıra Atabaeva.