Bedeldi shara 21 sáýir men 27 qarasha aralyǵynda ótedi
Alǵash ret 59-shy Venesıa bıennalesinde Qazaqstan pavılony ashylmaq. Halyqaralyq óner kórmeleriniń birinde elimizdiń atynan ORTA transdısıplınarlyq komandasy qatysady, dep habarlaıdy Almaty-akshamy.kz
Olardyń jobasy aty ańyzǵa aınalǵan almatylyq sýretshi Sergeı Kalmykovtyń ıdeıalaryna negizdelgen.
«Venesıa bıennalesindegi ulttyq pavılonymyz – qazaq óner sahnasyndaǵy kópten kútken oqıǵalardyń biri. Bul kórmeni belgili sýretshi Sergeı Kalmykovqa arnaý týraly sheshim qabyldandy. Ol – kóptegen sýretshilerdi shyǵarmashylyqpen shabyttandyrǵan alǵashqy sýretshi. Pavılon qazaqtyń zamanaýı ónerin álemde de, el ishinde de qoldaýǵa jáne kórsetýge arnalǵan kóptegen jobalardyń birine aınalady dep senemin», – dedi Venesıa bıennalesindegi Qazaqstan pavılonynyń komısary Merýert Qalıeva.
Venesıa bıennalesi – eki jyl saıyn Venesıada ótetin jáne jylyna 550 myńnan astam adam tamashalaıtyn eń bedeldi halyqaralyq óner kórmeleriniń biri.